មានបញ្ហាទៀតហើយ! បានចុះចតយកសំណាកពីអាចម៍ផ្កាយហើយ តែយានរបស់ណាសាកំពុងធ្វើឲ្យ សំណាកខ្លះត្រូវធ្លាក់ចេញ

បរទេស៖ យានរបស់ណាសាដែលត្រូវបានបញ្ជូនទៅប្រមូលសំណាកថ្ម ពីលើអាចម៍ផ្កាយដែលមានចម្ងាយរាប់លានគីឡូម៉ែត្រពីផែនដី បានប្រមូលចំនួនសំណាកច្រើនពេក ដែលនាំឲ្យសំណាកមួយចំនួនធ្លាក់ចេញ។ ក្រុមអ្នកជំនាញនៅពីក្រោយយានអង្កេត Osiris-Rex ដែលបានចុះចតនៅលើអាចម៍ផ្កាយ Bennu កាលពីដើមសប្ដាហ៍នេះបាននិយាយថា ប្រតិបត្តិការប្រមូលនេះអាចនឹងដំណើរការបានល្អ។

ណាសាបាននិយាយថា រូបភាពផ្សេងៗដែលបញ្ជូនត្រឡប់មកផែនដីវិញបានបង្ហាញថា សំណាកថ្មបានរុញទ្វារកន្លែងទុកដាក់សំណាក ហើយបំណែកនៃសំណាកកំពុងធ្លាក់ចេញ។ ឥឡូវនេះ ណាសាកំពុងព្យាយាមទុកដាក់វា ឲ្យមានសុវត្ថិភាព។

ប្រធានបេសកកម្មលោក Dante Lauretta បាននិយាយថា ចំនួនសំណាកដែលប្រមូលបានយ៉ាងច្រើន កំពុងត្រូវបានគេឃើញថា កំពុងធ្លាក់ចេញ។ លោកបានបន្តទៀតថា យាននេះត្រូវបានគេជឿថា បានប្រមូលបំណែកសំណាកប្រហែល៤០០ក្រាម។ លោកបានបន្ថែមទៀតថា យានអង្កេតមិនអាចដំណើរការល្អ។

វាជាការព្រួយបារម្ភដ៏ធំរបស់គាត់ ឥឡូវនេះភាគល្អិតមួយចំនួនកំពុងកំពប់ចេញ ហើយភាពជោគជ័យទាំងនេះអាចប្រែក្លាយទៅជាការបរាជ័យវិញបានផងដែរ។ ឥឡូវ កន្លែងផ្ទុកសំណាកនឹងត្រូវដាក់នៅក្នុងយាន ដែលមានន័យថា វានឹងលែងដឹងពីចំនួនសំណាកថ្មីដែលនឹងត្រូវទុកទៀតហើយ។

អ្នកគ្រប់គ្រងណាសាផ្នែកវិទ្យាសាស្ត្រ លោក Thomas Zurbuchen បាននិយាយថា បើទោះបីជាគេត្រូវផ្លាស់ប្ដូរពីរបៀបទុកដាក់សំណាកឲ្យបានលឿន វាមិនមែនជាបញ្ហាធ្ងន់ធ្ងរនោះទេ។ យាន Osiris-Rex បានចុះចតកាលពីថ្ងៃអង្គារ នៅលើអាចម៍ផ្កាយមានទទឹង ៥០០ម៉ែត្រ ដែលមានចម្ងាយ៣២០លានគីឡូម៉ែត្រពីផែនដី។ គេរំពឹងថា យានមួយនេះនឹងដឹកសំណាកមកដល់ផែនដីនៅឆ្នាំ២០២៣៕