ទឹកចិត្តជាម្ដាយ! មេសុនខមួយក្បាល ខំពាំប្រដាប់លេងឲ្យកូនលេង ដើម្បីឲ្យកូនឈប់យំ (មានវីដេអូ)

ចិន៖ មហាជនអ្នកប្រើប្រាស់បណ្ដាញសង្គមជាច្រើន បានសម្ដែងការរំជួលចិត្តយ៉ាងខ្លាំង ជុំវិញនឹងវីដេអូឃ្លីបមួយ ដែលត្រូវបានបង្ហោះចែកចាយនូវសកម្មភាព មេសុនខមួយក្បាល ពូជ Retriever បានពាំប្រដាប់លេងឲ្យកូនរបស់វាដែលទើបនឹងកើត ដើម្បីឲ្យឈប់យំ។

តាមប្រភពព័ត៌មានបានឲ្យដឹងថា វីដេអូឃ្លីបមួយនេះ ត្រូវបានថតឡើងដោយកាមេរ៉ាសុវត្ថិភាព ហើយយកទៅបង្ហោះចែកចាយលើបណ្ដាញសង្គម ដោយទទួលបានការចាប់អារម្មណ៍យ៉ាងខ្លាំង។

ជាក់ស្ដែង តាមរយៈវីដេអូឃ្លីប បង្ហាញឲ្យឃើញថា ខណៈពេលកូនៗកំពុងយំ ស្រាប់តែសុនខដែលជាមេ បានទៅពាំប្រដាប់លេងពីជ្រុងម្ខាងនៃផ្ទះ និងយកមកដាក់ក្បែរកូនៗរបស់វា។ ហើយមេសុនខ បានពាំបែបនេះជាច្រើនដង រហូតដល់អស់ រួចក៏យកច្រមុះរបស់វារុញកូនៗឲ្យទៅក្បែរប្រដាប់លេងទាំងនោះ។

យោងតាមសម្ដីរបស់អ្នកស្រី Lu រស់នៅក្នុងទីក្រុង Zhengzhou ជាម្ចាស់សុនខ បានឲ្យដឹងថា សត្វចិញ្ចឹមរបស់អ្នកស្រី ទើបតែមានកូនលើកដំបូងប៉ុណ្ណោះ និងកើតបានកូនចំនួន៣ក្បាលកាលពីដើមខែតុលានេះ ហើយអ្នកស្រី មានការភ្ញាក់ផ្អើលយ៉ាងខ្លាំង នៅពេលដែលបានឆែកមើលកាមេរ៉ាសុវត្ថិភាព។

យ៉ាងណាមិញ ជុំវិញវីដេអូឃ្លីបខាងលើនេះ មានមហាជនមួយចំនួនបានបញ្ចេញមតិដោយលើកឡើងថា៖

សូមទស្សនារូបភាពនិងវីដេអូខាងក្រោម៖