ថ្មីៗនេះ ក្រុមហ៊ុនផលិតទូរសព្ទ Apple បានដាក់លក់ផលិតផលបច្ចេកវិទ្យាចុងក្រោយរបស់ខ្លួនជាសកលនៅកំឡុងសប្ដាហ៍ទី៣ នៃខែ តុលា។ ក្នុងនោះផងដែរ គេសង្កេតឃើញមានអ្នកប្រើប្រាស់ជាច្រើនបានត្រៀមខ្លួនរួចជាស្រេចក្នុងការទិញនូវម៉ូឌែលថ្មីនេះ។ ចំពោះទីផ្សារនៅប្រទេសចិនវិញ ក៏មិនខុសពីប្រទេសផ្សេងទៀតដែរ ដែលមានមនុស្សជាច្រើនបានឈរតម្រង់ជាជួរចូលហាង ដើម្បីប្រញាប់ទិញទូរស័ព្ទបានមុនគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជា ភាពតានតឹងផ្នែកសេដ្ឋកិច្ច និងនយោបាយរវាងអាមេរិកនិងចិន នៅបន្ដក្ដៅគគុក ជាមួយការរីករាលនៃជំងឺកូវីត១៩ ខ្លាំងយ៉ាងណាក៏ដោយ ក៏នៅមានមនុស្សជានៅឈរជាជួរយ៉ាងវែង នៅពីមុខហាងលក់ទូរស័ព្ទ Iphone 12 ដូចពេលមុនៗដដែល។
បើធ្វើការប្រៀបធៀបទៅកាលពី Iphone11 គេសង្កេតឃើញថានៅឆ្នាំនេះ តម្រូវការមានការកើនឡើងយ៉ាងខ្លាំងនៅប្រទេសចិន។ អ្វីដែលធ្វើឲ្យទូរសព្ទម៉ូឌែលថ្មីរបស់ Apple នេះមានការចាប់អារម្មណ៍យ៉ាងខ្លាំងនោះ គឺដោយសាររូបរាងស្ដើងគួរឲ្យទាក់ទាញ ជាមួយនឹងការបំពាក់ដោយអ៊ីនធើណេត 5G ដែលមានល្បឿនលឿន និងផ្ដល់ភាពងាយស្រួលយ៉ាងខ្លាំងដល់អ្នកចូលចិត្តប្រើប្រាស់អ៊ីនធើណេតដូចប្រជាជនចិន។
គួររំលឹកថា ក្រោយពីពេលភាពតានតឹងផ្នែកសេដ្ឋកិច្ច និងនយោបាយរវាងអាមេរិក និងចិនមក មានក្រុមហ៊ុនធំៗរបស់ប្រទេសទាំងពីរមិនតិចទេ បានខាតបង់នូវប្រាក់ចំណេញជាច្រើន ព្រោះមានការពិបាកក្នុងការនាំចេញ នាំចូលរវាងប្រទេសយក្សសេដ្ឋកិច្ចទាំងពីរ។ មួយវិញទៀត ក្រុមហ៊ុន Apple ក៏ត្រូវខាតបង់មិនតិចប៉ុន្មានដែរ។
ជារួមមក ការកើនឡើងនៃតម្រូវការ Iphone12 នេះ អាចជាសញ្ញាណដ៏ល្អមួយសម្រាប់ក្រុមហ៊ុនមួយនេះនៅប្រទេសចិន៕