គួរឱ្យអាណិត! សត្វព្រៃជាច្រើនក្បាលក្នុងសួនសត្វអាហ្រ្វិក កំពុង​ត្រូវគេបោះបង់ចោលទាំងភាពស្រែកឃ្លាន (មានវីដេអូ)

បរទេស៖ សួនសត្វមួយនៅ​អាហ្វ្រិកកំពុងរងការរិះគន់យ៉ាងខ្លាំងពីសំណាក់មហាជន ចំពោះបង្អត់អាហារសត្វព្រៃជាច្រើនក្បាលរហូតដល់ស្លាប់ ហើយខ្លះទៀតកំពុងស្ថិតក្នុងស្ថានភាពគេបោះបង់ចោលទាំងក្តីស្រែកឃ្លានគួរឱ្យសង្វេគ។

យោងតាមរបាយការណ៍ស៊ើបអង្កេតជាច្រើន ដែលធ្វើឡើងដោយអង្គការសប្បុរសធម៌សត្វព្រៃបានរកឃើញថា សត្វព្រៃប្រមាណ ៩៨% នៅក្នុងសួនសត្វឯកជនដែល​មានទីតាំងនៅទីក្រុង Ouagadougou ប្រទេសបួគីណាហ្វាសូ បានស្លាប់ដោយសារ​ការមិនយកចិត្តដាក់មើលថែ ក៏ដូចជាស្លាប់ដោយភាពអត់ឃ្លានជាដើម។

ក្រុមអ្នកស៊ើបអង្កេត​បានឱ្យដឹងថា សួនសត្វក្នុងទីក្រុង Ouagadougou គឺមានសត្វព្រៃចំនួន ៤៧ក្បាល រួមមានសត្វតោ ដំរីទឹក កាំប្រមា ស្វា ក្តាន់ និងឆ្កែព្រៃ។ ហើយសត្វទាំងនោះកំពុងស្រែកឃ្លាននិងចុះខ្សោយកម្លាំង ដោយសារកង្វះអាហារូបត្ថម្ភ ខណៈ​ដែលគ្រោងឆ្អឹង​សត្វដទៃទៀតបានងាប់នៅព័ទ្ធជុំវិញ។

គួរជម្រាបដែរថា បន្ទាប់ពីធ្វើការស៊ើបអង្កេត​រួចមក អង្គការ [email protected] ដែលជាអង្គការក្រៅរដ្ឋាភិបាលអន្តរជាតិមួយ ធ្វើការងារខាង​អភិរក្សសត្វព្រៃ ជួយសង្គ្រោះនិងការស្តារឡើងវិញនៃចំនួនសត្វព្រៃ បានចាប់ផ្តើមកម្មវិធីរៃអង្គាសប្រាក់ក្នុងចំនួន​តិចតួចជាបន្ទាន់ ដើម្បី​ជួយសង្គ្រោះសត្វឱ្យនៅរស់​រានមានជីវិត តាមរយៈការផ្តល់ចំណី និងការមើលថែជាដើម៕