ស្ពានកំពង់ក្តី ឬស្ពានប្រាប់ទិស គឺជាស្ពានបុរាណមួយដែលវែងជាងគេនៅកម្ពុជា ក្នុងសម័យអង្គរ។ ស្ពាននេះត្រូវបានសាងសង់ក្នុងសតវត្សរ៍ទី១២ ក្នុងរជ្ជកាលព្រះបាទជ័យវរ័ន្មទី៧ ដោយសង់ពីថ្មបាយក្រៀម និងថ្មភក់ មានបណ្ដោយ ៨៦ម៉ែត្រ ទទឹង ១៦ម៉ែត្រ កម្ពស់ពីបាតស្ទឹង ១១ម៉ែត្រ និងមានរន្ធត្រដេវ (ប្រឡោះសម្រាប់ចរន្តទឹកឆ្លងកាត់)ចំនួន ២១ត្រដេវ។ ស្ពានកំពង់ក្តី មានទីតាំងតាមបណ្ដោយផ្លូវជាតិលេខ៦ (ចម្ងាយប្រមាណ ៦០គ.ម ពីក្រុងសៀមរាប) ស្ថិតនៅក្បែរផ្សារកំពង់ក្តី ឃុំកំពង់ក្តី ស្រុកជីក្រែង ខេត្តសៀមរាប។ នេះបើតាមការផ្សាយរូបថតប្រចាំសប្តាហ៍របស់ក្រសួងព័ត៌មាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការវិភាគរបស់អ្នកជំនាញ ប្រវត្តិសិល្បៈលើបង្កាន់ដៃនាគ និងថ្មគោល គឺស្ថិតនៅក្នុងរចនាបទបាយ័ន (១១៨១- ១២២០) ។ ស្ពាននេះមានសភាពទ្រុឌទ្រោមជាខ្លាំងដោយសារអាយុកាល ធម្មជាតិ និងមនុស្ស។
សព្វថ្ងៃស្ពាននេះត្រូវបានគេអភិរក្ស ក្រោយពីមានការសាងសង់ស្ពានថ្មី សម្រាប់បញ្ចៀសការឆ្លងកាត់ ដោយទុកស្ពាននេះសម្រាប់ភ្ញៀវទេសចរជាតិ-អន្តរជាតិមកកម្សាន្ត និងសិក្សាស្រាវជ្រាវប៉ុណ្ណោះ។ រូបភាពនៃស្ពានកំពង់ក្ដីនេះក៏ត្រូវបានប្រើប្រាស់នៅលើក្រដាសប្រាក់ ៥០០០ រៀលរបស់ខ្មែរផងដែរនាពេលបច្ចុប្បន្ន៕
Bong I.T