វ៉ាស៊ីនតោន៖ យោងតាមការបញ្ជាក់របស់អាជ្ញាធរមូលដ្ឋានបានឱ្យដឹងថា ករណីធ្លាក់យន្តហោះរបស់កងទ័ពជើងទឹកសហរដ្ឋអាមេរិក នៅភាគអាគ្នេយ៍ទីក្រុង Mobile ក្នុងរដ្ឋ Alabama បានបណ្តាលឱ្យពីឡុតចំនួន ២នាក់ស្លាប់បាត់បង់ជីវិត ចំណែកផ្ទះមួយខ្នងបានរងការខូចខាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការិយាល័យប៉ូលីសប្រចាំតំបន់ Baldwin បាននិយាយថា ហេតុការធ្លាក់យន្តហោះ T-6B នេះ បានកើតឡើងកាលពីថ្ងៃសុក្រ ហើយមិនមានជនស៊ីវិលនៅលើដីណាម្នាក់រងរបួសនោះទេ។ ប្រភពផ្សេងទៀតក៏បានបញ្ជាក់ដែរថា យន្ដហោះ T-6B គឺជាយន្តហោះហ្វឹកហាត់របស់កងទ័ពជើងទឹក ដែលហោះហើរចេញពីមូលដ្ឋានទ័ពអាកាសរបស់កងទ័ពជើងទឹក Whiting Field ។
គួរជម្រាបដែរថា ក្រោយហេតុការណ៍កើតឡើងភ្លាមៗ ក្រុមអ្នកពន្លត់អគ្គិភ័យបានចុះជួយអន្តរាគមន៍បាញ់ទឹកពន្លត់ភ្លើង។ ហើយទន្ទឹមនឹងនេះ ក្រុមមន្ត្រីជំនាញកំពុងបើកការស៊ើបអង្កេត ដើម្បីរកមូលហេតុធ្លាក់យន្តហោះនេះ៕