មនុស្សម្នាក់ៗមានការរស់នៅ និងទម្លាប់ជាប្រចាំខុសៗគ្នា ដែលធ្វើឲ្យពួកគេមានភាពជោគជ័យ ឬបរាជ័យមានលក្ខណៈខុសប្លែកពីគ្នាផងដែរ។ ដើម្បីកំណត់ថាបុគ្គលម្នាក់អាចនឹងទទួលបាននូវជោគជ័យ ឬបរាជ័យគឺអាស្រ័យលើសកម្មភាពជាប្រចាំរបស់ពួកគេ។ បើយើងសង្កេតមើលបុគ្គលជោគជ័យជាច្រើននៅលើពិភពលោក យើងអាចធ្វើការសន្និដ្ឋានបានថា ទោះបីពួកគេមានការជោគជ័យខុសៗគ្នាមែន ក៏ប៉ុន្ដែ ពួកគេតែងតែមាននូវចំណុចមួយចំនួន ដែលដូចគ្នាផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើតាមការចែករំលែកនូវចំណេះដឹង ឬបទពិសោធន៍ជាច្រើន បុគ្គលជោគជ័យដូច លោក Bill Gates, Jack Ma និងអ្នកដទៃទៀតមិនភ្លេចឡើយនៅចំណុចសំខាន់ៗមួយចំនួន ដែលពាក់ព័ន្ធជាមួយនឹងសកម្មភាពប្រចាំថ្ងៃរបស់ពួកគេ។
ខាងក្រោមនេះ ជាទម្លាប់ទាំង ៣ ដែលបុគ្គលជោគជ័យភាគច្រើននៅលើពិភពលោកតែងតែអនុវត្ដប្រចាំថ្ងៃ៖
១. រៀបចំគម្រោងសម្រាប់សកម្មភាពប្រចាំថ្ងៃ
អ្នកត្រូវមាននូវគម្រោងច្បាស់លាស់ សម្រាប់សកម្មភាពប្រចាំថ្ងៃរបស់អ្នក បើមិនអ៊ីចឹងទេ អ្នកនឹងមិនដឹងថាអ្នកគួរធ្វើអ្វីខ្លះសម្រាប់ថ្ងៃនេះ ឬថ្ងៃស្អែកនោះទេ។ មួយវិញទៀត វាធ្វើឲ្យអ្នកខាតពេលវេលាអត់ប្រយោជន៍ទៅធ្វើរឿងមិនបានការជាច្រើន។ គួរចាំថា អ្នកមិនអាចទាញពេលវេលាឲ្យត្រឡប់ថយក្រោយបានវិញនោះទេ កុំទុកពេលចោលដោយមិនបានធ្វើអ្វីសោះ។
២. អានសៀវភៅជាប្រចាំ
ការអានសៀវភៅ ជារឿងមួយដែលល្អសម្រាប់មនុស្សគ្រប់វ័យទាំងអស់ សូម្បីតែវេជ្ជបណ្ឌិតក៏និយាយថាវាជាការធ្វើលំហាត់ប្រាណខួរក្បាលមួយប្រភេទដែរ។ បន្ថែមទៀតនោះ វាធ្វើជួយបង្កើននូវចំណេះដឹងឲ្យអ្នកបានច្រើនជាងអ្នកមិនអានដែរ។
៣. យកសុខភាពជាចម្បង
ទោះបីជា អ្នកមានការរវល់ខ្លាំងប៉ុណ្ណាក៏ដោយ អ្នកត្រូវយកចិត្តទុកដាក់ និងថែទាំសុខភាពឲ្យល្អ ព្រោះវាអាចនឹងផ្ដល់នូវផលវិបាកជាច្រើនដល់អ្នកនៅពេលក្រោយ។ ដូចនេះ អ្នកត្រូវបរិភោគអាហារមានជីវជាតិ ហាត់ប្រាណជាប្រចាំ គេងឲ្យបានគ្រប់គ្រាន់ និងពិនិត្យសុខភាពជាមួយអ្នកជំនាញឲ្តបានទៀងទាត់៕