រំភើប! សុខ សីឡាលីន នៅតែឆ្លៀតធ្វើរឿងនេះសម្រាប់ ឆន សុវណ្ណរាជ ទោះហួសថ្ងៃក៏ដោយ (មានវីដេអូ)

ភ្នំពេញ៖ បើនិយាយពីទំនាក់ទំនងមិត្តភាពរវាងតារាចម្រៀងស្រី សុខ សីឡាលីន និងតារាចម្រៀងប្រុសលោក ឆន សុវណ្ណរាជ គឺអ្នកទាំងពីរមានភាពស្និទ្ធស្នាលរាប់អានគ្នាប្រៀបដូចជាបងប្អូនអ៊ីចឹង។ មិនតែប៉ុណ្ណោះ អ្នកទាំងពីរក៏ជាតារាចម្រៀងជ្រកក្រោមផលិតកម្ម រស្មីហង្សមាស ដូចគ្នាផងដែរ។

តួយ៉ាង នាមួយរយៈពេលនេះសង្កេតឃើញថាលោក ឆន សុវណ្ណរាជ ហាក់មមាញឹកយ៉ាងខ្លាំងក្នុងមុខជំនួញថ្មីជាមួយនឹងផលិតផលថែសម្រស់ ដែលជាប៊្រេនឈ្មោះរបស់លោកផ្ទាល់តែម្តង។ រីឯកញ្ញា សុខ សីឡាលីន វិញក៏មានការមមាញឹកខ្លាំងដូចគ្នា ក្នុងការចូលរួមច្រៀងតាមកម្មវិធីផ្សេងៗស្ទើរតែរៀងរាល់នាចុងសប្តាហ៍។ មិនតែប៉ុណ្ណោះ តារាចម្រៀងស្រីរូបនេះក៏ជាប់បំពេញជាមួយនឹងការងារជាមន្រ្តីរាជការផងដែរ។

យ៉ាងណាមិញ ទោះបីជាមមាញឹកជាមួយការងារក្តីក៏តារាចម្រៀងស្រីរូបនេះនៅតែឆ្លៀតធ្វើខួបកំណើតដើម្បី Surprise ដល់លោក ឆន សុវណ្ណរាជ ខណៈខួបហួសអស់រយៈពេល ១៣ ថ្ងៃក៏ដោយ។

មិនតែប៉ុណ្ណោះ ជារៀងរាល់ឆ្នាំសង្កេតឃើញថា សុខ សីឡាលីន តែងតែធ្វើកម្មវិធី Surprise នំខេកដល់លោក ឆន សុវណ្ណរាជ មិនដែលរំលងជាមួយនឹងបរិយាកាសដ៏សប្បាយរីករាយ៕

ចង់ដឹងថាតើកម្មវិធីនេះសប្បាយយ៉ាងណា សូមទស្សនាវីដេអូខាងក្រោមនេះ​៖