ក្រុងឌូបៃ៖ ទីក្រុងបៃតងឌូបៃបានបំបែកឯតទគ្គកម្មសម្រាប់ប្រភពទឹកដ៏ធំបំផុតរបស់ពិភពលោកកាលពីថ្ងៃព្រហស្បតិ៍ ខណៈទីក្រុង Gulf ព្យាយាមជំរុញវិស័យទេសចរណ៍ដែលកំពុងរងគ្រោះយ៉ាងខ្លាំងចំពេលមានការរីករាលដាលនៃជំងឺ COVID-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រភពទឹក The Palm Fountain ដែលគ្របដណ្តប់លើផ្ទៃដី ១,៣៣៥ ម៉ែត្រការ៉េមានទីតាំងនៅផ្សារទិញឥវ៉ាន់និងបរិភោគអាហារស្ថិតនៅលើកោះ Palm Jumeirah ដែលជាកោះមានរាងជាដើមដូង។
លោក Shaddy Gaad ប្រធានផ្នែកទីផ្សារជាន់ខ្ពស់នៅឯស្ថាប័ន Guinness World Records (GWR) បាននិយាយនៅក្នុងសេចក្តីថ្លែងការណ៍មួយថា “GWR មានសេចក្តីសោមនស្សរីករាយដែលបានឃើញជាផ្លូវការនូវ The Palm Fountain ដែលបានបំបែកឯតទគ្គកម្មពិភពលោកជាប្រភពទឹកដែលធំជាងគេបំផុត”។
ប្រភពដដែលបាននិយាយថា “ប្រភពទឹកនេះគឺជាឧទាហរណ៍មួយនៃព្រឹត្តិការណ៍ដ៏សំខាន់មួយទៀតនៅក្នុងសមិទ្ធិផលស្ថាបត្យកម្មរបស់ឌូបៃ” ដោយលោកបានបន្ថែមថាស្ថាប័ន Guinness កំពុងប្រកាសថា “អស្ចារ្យជាផ្លូវការ”។
ទីក្រុងឌូបៃដែលជាទីក្រុងមួយក្នុងចំណោមដែនត្រួតត្រារបស់អធិរាជឥស្លាម ទាំង ៧ ដែលបង្កើតជាប្រទេសអេមីរ៉ាតអារ៉ាប់រួម និងធ្លាប់បានបំបែកឯតទគ្គកម្មពិភពលោកជាច្រើនរួចមកហើយរួមទាំងអាគារខ្ពស់ជាងគេនៅលើពិភពលោកគឺ Burj Khalifa និងឡានប៉ូលីសដែលមានល្បឿនលឿនបំផុតគឺសេវាកម្មរថយន្តម៉ាក Bugatti Veyron ។ពេលនេះក៏ក្លាយជាទីក្រុងដែលទាក់ទាញភ្ញៀវទេសចររាប់លាននាក់ដែលមានប្រភពទឹកដ៏ធំជាងគេមួយនៅលើពិភពលោកនៅជិត Burj Khalifa ផងដែរ។
យោងតាមស្ថាប័ន Guinness បានឱ្យដឹងថាប្រភពទឹកថ្មីនេះមានអំពូល LED ចំនួនជាង ៣,០០០ អំពូល, ក្បាលរ៉ូប៊ីណេចំនួន ៧,៥០០ និងអាចបាញ់ទឹកបានដល់កម្ពស់ ១០៥ ម៉ែត្រ។
កាលពីខែមុនវិចិត្រករជនជាតិអង់គ្លេសឈ្មោះ Sacha Jafri បានបំបែកឯតទគ្គកម្មផ្ទាំងក្រណាត់សម្រាប់គូរគំនូរធំជាងគេដែលមានទំហំ ១,៥៩៥ ម៉ែត្រក្រឡានៅទីក្រុងឌូបៃផងដែរ។
ទីក្រុងឌូបៃដែលមានសេដ្ឋកិច្ចចម្រុះច្រើនជាងគេនៅក្នុងតំបន់ឈូងសមុទ្រដែលសំបូរទៅដោយប្រេងនោះបានរង ផលប៉ះពាល់យ៉ាងធ្ងន់ធ្ងរដោយសារការរីករាលដាលនៃជំងឺ COVID-១៩។ ផលិតផលក្នុងស្រុកសរុបរបស់ប្រទេសនេះបានធ្លាក់ចុះដល់ ៣,៥% នៅក្នុងត្រីមាសទី ១ បន្ទាប់ពីកំណើនរយៈពេល ២ ឆ្នាំជាប់គ្នា។
គួរបញ្ជាក់ផងដែរថា វិស័យទេសចរណ៍គឺជាផ្នែកសំខាន់មួយរបស់អធិរាជឥស្លាមដែលបានស្វាគមន៍ភ្ញៀវទេសចរជាង ១៦ លាននាក់កាលពីឆ្នាំមុន។ ហើយបច្ចុប្បន្ននេះទីក្រុងឌូបៃបានបើកឡើងវិញយ៉ាងច្រើនសម្រាប់អាជីវកម្មនិងតំបន់ទេសចរណ៍ ប៉ុន្តែអត្រាឆ្លងក៏បានកើនឡើងក្នុងប៉ុន្មានសប្តាហ៍ថ្មីៗនេះផងដែរ៕
សូមទស្សនារូបភាពបន្ថែម៖
ប្រភព៖ ទីភ្នាក់ងារសារព័ត៌មានស៊ីនហួរ