ជារៀងរាល់ឆ្នាំ នៅសហរដ្ឋអាមេរិក និងប្រទេសជាច្រើននៅលើពិភពលោក បានប្រារព្ធពិធី Halloween នេះនៅចុងខែតុលា។ ក្នុងការចូលរួមក្នុងពិធីនេះ មនុស្សគ្រប់រូបមានការតុបតែងមុខជាមួយការស្លៀកពាក់នូវសម្លៀកបំពាក់ប្លែកៗដូចជាសម្ដែងជាតួអង្គយាយធ្មប់ ខ្មោច និងរូបរាងចម្លែកៗជាច្រើនទៀត។ ពិធីបុណ្យនេះ មានការចូលរួមពីមនុស្សគ្រប់រូប គ្រប់ស្រទាប់វណ្ណៈ ទាំងអស់ក្នុងសង្គម។ ក្នុងនោះផងដែរ គេក៏បានឃើញនូវមនុស្សចាស់ ឬបុគ្គលដែលមានកេរ្តិ៍ឈ្មោះក្នុងសង្គមជាច្រើន បានចេញមកចែកស្ករគ្រាប់ដល់ក្មេងៗជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណែកឆ្នាំនេះជាពេលមួយដែលមាននូវការរាតត្បាតនូវជំងឺកូវីដ ១៩ មនុស្សជាច្រើនតម្រូវឲ្យនៅផ្ទះ ឬត្រូវអនុវត្តតាមគោលការណ៍គម្លាតសង្គមរបស់អង្គការសុខភាពពិភពលោក។ ដូចនេះ វានឹងមានលក្ខណៈខុសប្លែកពីរាល់ឆ្នាំក្នុងការប្រារព្ធពិធីដ៏ឱឡារិកនេះ។
បើយោងតាម ការចុះផ្សាយរបស់សារព័ត៌មាន CNN បានបង្ហាញ នៅសហរដ្ឋអាមេរិកនឹងមានការប្រារព្ធពិធី Halloween នេះក្នុងបែបផែនថ្មីមួយដើម្បីជៀសវាងការរីករាលដាលកាន់តែខ្លាំង និងដើម្បីកុំឲ្យក្មេងៗមានការអន់ចិត្តដែលមិនបានប្រារព្ធពិធី ព្រោះពួកគេហាក់ដូចជាមានការរង់ចាំចំពោះវាយ៉ាងខ្លាំង។
ដូចនេះ ក្នុងឆ្នាំនេះមនុស្សម្នាទាំងអស់អាចធ្វើការប្រារព្ធពិធីនេះ ដោយមានការដាក់ស្ករគ្រាប់ផ្សេងៗនៅមាត់ទ្វារនៃផ្ទះមិត្តភក្តិ ឬអ្នកជិតខាងរបស់ពួកគេ ដើម្បីកុំឲ្យមានការប៉ះពាល់គ្នាដោយផ្ទាល់ និងជៀសវាងការជួបជុំគ្នារវាងមនុស្សច្រើន៕