តារាវាយកូនហ្គោលអូស្ត្រាលីលោក Adam Scott ធ្វើតេស្តវិជ្ជមានជំងឺកូវីដ-១៩

ស៊ីដនី៖ អតីតកីឡាករវាយកូនហ្គោលអូស្ត្រាលីចំណាត់ថ្នាក់លេខ ១ ពិភពលោកគឺលោក Adam Scott បានធ្វើតេស្តវិជ្ជមានជំងឺ COVID-១៩ ហើយលោកក៏បានដកខ្លួនចេញពីព្រឹត្តិការណ៍ PGA Tour ក្នុងសប្តាហ៍នេះនៅឯរដ្ឋកាលីហ្វ័រញ៉ាផងដែរ។

PGA Tour បានបញ្ជាក់នៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ (AEST) ថា លោក Scott បានដកខ្លួនចេញពីការប្រកួត Zozo Championship បន្ទាប់ពីការធ្វើតេស្តវិជ្ជមានរបស់គាត់។

“លោក Scott ដែលបានចូលរួមប្រកួតប្រជែងចុងក្រោយនៅសហរដ្ឋអាមេរិកក្នុងកម្មវិធី US Open កាលពីខែកញ្ញានឹងមានការគាំទ្រពេញទំហឹងពីសំណាក់ PGA Tour ពេញមួយរយៈពេលនៃការស្នាក់នៅដាច់ដោយឡែករបស់ខ្លួននៅក្រោមគោលការណ៍ណែនាំរបស់ CDC ” ។

"សម្រាប់ជម្រើសដំបូងដែលនឹងជំនួសលោក Scott ក្នុងវិស័យនេះគឺលោក Jim Herman ។ "បច្ចុប្បន្នលោក Scott ត្រូវបានជាប់ចំណាត់ថ្នាក់លេខ ១៥ នៅលើពិភពលោក ហើយនៅតែជាជនជាតិអូស្ត្រាលីតែម្នាក់គត់ដែលបានឈ្នះពានរង្វាន់ Masters Tournament កាលពីឆ្នាំ ២០១៣ ។

លោក Scott មិនបានចូលរួមប្រកួតចាប់តាំងពីកម្មវិធី US Open ហើយគាត់ប្រកួតបានតែ៤​ ដងប៉ុណ្ណោះគឺ ២ ដងក្នុងព្រឹត្តិការណ៍សំខាន់ និង ២ ដងទៀតក្នុងព្រឹត្តិការណ៍ប្រកួតវគ្គជម្រុះនៃកម្មវិធី FedEx Cup ក្នុងរយៈពេល ៤ ខែចាប់តាំងពីព្រឹត្តិការណ៍ PGA Tour បានវិលត្រឡប់មកវិញបន្ទាប់ពីបិទដោយសារជំងឺ COVID-១៩ ។

គួរឱ្យដឹងផងដែរថា លោក Scott គឺជាកីឡាករទី ៣ ក្នុងចំណោមកីឡាករកំពូលទាំង ២០ ដែលបានធ្វើតេស្តវិជ្ជមានចំពោះជំងឺ COVID-១៩ នៅប៉ុន្មានសប្តាហ៍ថ្មីៗនេះរួមទាំងកីឡាករចំណាត់លេខ ១ ពិភពលោកគឺលោក Dustin Johnson ដែលត្រូវបានគេធ្វើតេស្តិ៍ឃើញកាលពីសប្តាហ៍មុននៅឯព្រឹត្តការណ៍ CJ Cup នៅ Las Vegas ៕

ប្រភព៖ ទីភ្នាក់ងារសារព័ត៌មានស៊ីនហួរ