តេហេរ៉ង់៖ អ្នកនាំពាក្យក្រសួងការបរទេសអ៊ីរ៉ង់លោក Saeed Khatibzadeh បានសម្តែងសមានទុក្ខចំពោះរដ្ឋាភិបាល និងប្រជាជនវៀតណាមនៅក្នុងសារមួយកាលពីថ្ងៃពុធ ដោយបង្ហាញការសោកស្តាយ ចំពោះគ្រោះធម្មជាតិទឹកជំនន់ និងការរអិលបាក់ដីនៅវៀតណាម ដែលបានបណ្តាលឱ្យមនុស្សស្លាប់និងបាត់ខ្លួនជាងមួយរយនាក់ ក៏ដូចជាបង្កការខូចខាតទ្រព្យសម្បត្តិយ៉ាងច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រោះទឹកជំនន់ និងការរអិលបាក់ដី ដែលបង្កឡើងដោយសារភ្លៀងធ្លាក់ខ្លាំងអស់រយៈពេលជាច្រើនសប្ដាហ៍ចុងក្រោយនេះ បានសម្លាប់មនុស្សយ៉ាងហោចណាស់ ១០៥នាក់ នៅភាគកណ្ដាលនៃប្រទេសវៀតណាម និងមនុស្សប្រមាណ៥លាននាក់ បានរងផលប៉ះពាល់ដោយសារគ្រោះធម្មជាតិនេះ។
គួរជម្រាបដែរថា អ្នកស្លាប់ដោយសារគ្រោះធម្មជាតិនេះ គឺភាគច្រើនត្រូវបានរាយការណ៍នៅក្នុងខេត្ត Quang Tri ខេត្ត Thua Thien Hue និងខេត្ត Quang Nam ជាដើម។ ហើយទន្ទឹមនឹងនេះ អង្គការកាកបាទក្រហមវៀតណាម បាននឹងកំពុងរៀបចំផ្តល់ជំនួយជាស្បៀងអាហារ ក៏ដូចជាទីកន្លែងស្នាក់នៅ ដល់ពលរដ្ឋវៀតណាមដែលកំពុងរងគ្រោះ៕