Linda chung ប្រកាសលាឈប់ពីសិល្បៈ ខណៈរឿងChildren’s Hospital ជាស្នាដៃចុងក្រោយរបស់នាង

//s9.kh1.co/8f/8f9c833daf3d56804a04dbe0adbfd150764dec4f.jpg

តារា & កម្សាន្ដ

២២-តុលា-២០២០ ១ល្ងាច · ៣ ឆ្នាំមុន

ស្ថាននីយទូរទស្សន៍TVBកាលពីពេលថ្មីៗនេះបានចែករំលែកឲ្យដឹងថា “Children’s Hospital” ជាស្នាដៃខ្សែភាពយន្តចុងក្រោយសម្រាប់តារាសម្តែងស្រីឆ្នើមLinda Chung ហើយបន្ទាប់ពីនេះហើយអ្នកនាងនឹងបញ្ឈប់រាល់សកម្មភាពសិល្បៈទាំងអស់របស់នាងផងដែរ។

ហុងកុង៖ កាលពីថ្ងៃទី២០ ខែតុលា កន្លងទៅថ្មីៗនេះ តារាសម្តែងស្រី ជើងចាស់Linda Chung បានផ្តល់បទសម្ភាសន៍ ទៅកាន់ប្រព័ន្ធផ្សព្វផ្សាយ របស់ហុងកុង ទាក់ទងនិងការមមាញឹក ថតនៅវីដេអូចម្រៀង សម្រាប់ខ្សែភាពយន្ត ដែលនាងកំពុងតែ សម្តែងគឺរឿងChildren’s Hospital ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងអំឡុងពេលផ្តល់ នៅបទសម្ភាសន៍នោះ តារាស្រីរូបនេះបានបញ្ជាក់ថា ខ្លួនបានមកស្នាក់ នៅហុងកុង៣ ខែមកហើយ នឹងចំណាយពេល៣៦ថ្ងៃ ក្នុងការថតខ្សែភាពយន្តមួយនេះ។ បន្ទាប់ពីរៀបការហើយចាកចេញ ទៅរស់នៅជាមួយស្វាមី នៅក្នុងប្រទេសកាណាដា។

ក្នុងកិច្ចសម្ភាសន៍ នោះដែលLinda ក៏បានលើកឡើង បែបនេះផងដែរថា៖

ខ្ញុំពិតជានឹកដល់ កូនៗខ្លាំងណាស់។ ប្តីរបស់ខ្ញុំនិងខ្ញុំ បានសម្រេចថា នៅពេលដែល ការរស់នៅ មានស្ថានភាពល្អ ពួកគយើងនឹង យកកូនៗមកទីនេះ។ ក៏ប៉ុន្តែពេលនេះ ដោយសារតែបញ្ហាជំងឺឆ្លង នៅហុងកុងនៅតែបន្ត ទើបធ្វើឲ្យគម្រោងនេះ ត្រូវផ្អាកទៅវិញ

Linda Chung

បន្ថែមពីនេះ នៅពេលដែលអ្នកព័ត៌មាន សាកសួរដល់គម្រោង បន្ទាប់ពីបញ្ចប់រឿងChildre’s Hospital តារាស្រីវ័យ៣៦ឆ្នាំរូបនេះ ក៏បានបញ្ជាក់បែបនេះថា ក្នុងពេលនេះ នាងចង់ចូលនិវត្តន៍ឲ្យបានឆាប់ ដើម្បីផ្តោតអារម្មណ៍ លើការមើលថែរក្សា និងបង្រៀនកូនៗដែល នៅតួចៗនៅឡើងច្រើនជាង។

គួរបញ្ជាក់ផងដែរថាLinda Chung បានប្រឡូកចូលសិល្បៈដំបូង បន្ទាប់ពីបានគ្រងម្កុដ Miss Overseas កាលពីឆ្នាំ២០០៤។ បន្ទាប់មក ក្នុងឆ្នាំ២០១៦ នាងបានរៀបការជាមួយនឹង បុរសអ្នកជំនួញមួយរូប ដែលមានឈ្មោះថាJeremy Leung ដែលមានវ័យខុសគ្នា១២ឆ្នាំ កាលពីឆ្នាំ២០១៦។ ក្រោយរៀបការហើយ នាងក៏បានផ្អាកពី សិល្ប:រយៈពេល៤ឆ្នាំ ហើយថ្មីៗនេះ វិលមកជាតួឯកស្រី ក្នុងរឿងChildren’s Hospital ហើយរឿងនេះក៏នឹងក្លាយទៅ ជាវណ្ណាកម្មចុងក្រោយរបស់ តារាស្រីឆ្នើមប្រចាំTVB រូបនេះផងដែរ៕