Real Madrid បរាជ័យយ៉ាងអាម៉ាស់នៅក្នុងទឹកដីខ្លួនឯងវគ្គចែកពូល UCL

ក្រុមជើងឯកពានរង្វាន់អឺរ៉ុប១៣សម័យកាល Real Madrid បានបរាជ័យយ៉ាងអាម៉ាស់នៅក្នុងការប្រកួតបើកឆាកវគ្គចែកពូល Champions League ក្រោមថ្វីជើងក្រុម Shakhtar Donetsk ដោយលទ្ធផល ៣-២។

ក្រុមជើងឯកអ៊ុយក្រែន បានធ្វើដំណើរមកដល់ទីក្រុងម៉ាឌ្រីដ ដោយគ្មានវត្តមានកីឡាករឈុតធំ១៣រូប ដែលបានឆ្លងកូរីដ១៩ ហើយពួកគេត្រូវកោះហៅកីឡាករឈុតយុវជនចូលរួមការប្រកួតនេះ។

ប៉ុន្ដែពួកគេនៅតែធ្វើបានល្អ ដោយរកគ្រាប់បាល់បាន៣គ្រាប់នៅក្នុងតង់ទី១ នៅកីឡដ្ឋាន Alfredo di Stefano ហើយអាចយកបាន៣ពិន្ទុពីក្រុមម្ចាស់ផ្ទះ បើទោះបីជាកីឡាករ Luka Modric និង Vinicius Jr. វាយបកបានម្នាក់មួយគ្រាប់មកវិញក្ដី។

ក្រោយមកទៀត ខ្សែបម្រើ Fede Valverde បានរកគ្រាប់បាល់តាមស្មើនៅចុងម៉ោង ប៉ុន្ដែគ្រាប់បាល់នោះមិនត្រូវបានផ្ដល់ឱ្យនោះទេ ក្រោយពីមានការពិនិត្យវីដេអូជំនួយអាជ្ញាកណ្ដាល (VAR) គឺបាល់នេះស្ថិតក្នុងជំហរក្រៅល្បែង (Off-side)៕