ភ្នំពេញ៖ តារាចម្រៀង Original Song លោក Noly បច្ចុប្បន្នគឺជាតារាចម្រៀងមួយរូប កំពុងទទួលបានប្រជាប្រិយភាពខ្លាំង និងមានបណ្ដាអ្នកគាំទ្រជាច្រើន នៅតែស្រលាញ់ចូលចិត្តរូបលោក តាមរយៈសម្លេងដ៏ផ្អែមស្រទន់នៅក្នុងបទចម្រៀងពីរោះៗជាច្រើននាពេលកន្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សងាកមកមើលពីជីវិតឯកជនរបស់តារាប្រុសម្ចាស់បទ "មនុស្សអរូប" នេះវិញ ចាប់តាំងពីសម្រេចចិត្ត ចូលរោងភ្ជាប់ពាក្យជាមួយគូដណ្ដឹង កាលពីខែកុម្ភៈកន្លងទៅ ឃើញថាចំណងស្នេហ៍របស់លោកនៅតែមានសម្ព័ន្ធភាពស្អិតរមួតនឹងគ្នាពីមួយថ្ងៃទៅមួយថ្ងៃគួរឲ្យកត់សម្គាល់។
ជាក់ស្ដែង ថ្មីនេះបើយោងតាមហ្វេសប៊ុកផេក FAST films & photography ទើបតែបានបញ្ចេញរូបភាពគូស្នេហ៍របស់តារាប្រុសរូបនេះបង្ហាញភាពស្និទ្ធស្នាលជាមួយគូដណ្ដឹង ដោយមានការរៀបចំថតរូបបែបជាលក្ខណៈគូស្នេហ៍ អមនឹងបរិយាកាសក្រោមពន្លឺព្រះអាទិត្យលេច ក្បែរជើងភ្នំយ៉ាងស្ងប់ស្ងាត់ និងរ៉ូមែនទិកបំផុត ទើបញ៉ាំងឲ្យពេលវេលាមួយដ៏ពិសេសរបស់គូស្នេហ៍មួយគូនេះ មើលទៅពិតជាមានក្ដីសុខផ្លូវចិត្តជាខ្លាំង អ្នកណាៗឃើញហើយក៏ប្រាថ្នាចង់បានបែបនេះដែរ។
យ៉ាងណាមិញ តាមរយៈរូបភាពបង្ហាញពីជីវិតគូដ៏សែនផ្អែមល្ហែមទាំងនេះ ពេលដែលមហាជននិយមលេងអុីនធើណែត ក៏ដូចជាអ្នកគាំទ្របានឃើញហើយ ពួកគេនាំគ្នាពេញចិត្ត ថែមទាំងចែករំលែករូបភាពទាំងនោះជាមួយពាក្យពេចន៍ល្អៗ ហូរហែផងដែរ៕
ទស្សនារូបភាពខាងក្រោម៖
រូបភាព៖ FAST films & photography