ខួបកំណើតគម្រប់ ១៩ឆ្នាំ មីណា ធ្វើខ្លួនឡើងដូចព្រះនាង

ភ្នំពេញ៖ តារាចម្រៀង និងពិធីការិនីស្រីវ័យក្មេង កញ្ញា មីណា​ ប៉ុន្មានឆ្នាំចុងក្រោយចាប់តាំងពីឈានជើងចូលសិល្បៈមក គេសង្កេតឃើញតារារូបនេះ កាន់តែមានសន្ទុះនៃការគាំទ្រពីទស្សនិកជន និងមិត្តៗយុវវ័យគ្រប់មជ្ឈដ្ឋានតេម្ដង។ មិនតែប៉ុណ្ណោះ បច្ចុប្បន្ន នាងក៏កាន់តែមានការងារច្រើនជាងមុន និងតែងតែបង្ហាញវត្តមានក្នុងកម្មវិធីធំៗផងដែរ។ 

យ៉ាងណាមិញ​ ក្រោយជោគជ័យការងារលើវិស័យសិល្បៈ កាលពីម្សិលមិញនេះក៏ជាថ្ងៃខួបកំណើតគ្រប់អាយុ ១៩ឆ្នាំរបស់នាងផ្ទាល់ផងដែរ បន្ទាប់ពីដល់អាយុ ១៩ឆ្នាំ នាងក៏បានរៀបចំកម្មវិធីអបអរ ដែលធ្វើឡើងយ៉ាងអធិកអធម អញ្ជើញនូវភ្ញៀវជាច្រើនមកចូលរួម។ ក្នុងនោះដែរ គេឃើញមានវត្តមាន តារាខ្មែរ និង Youtuber ល្បីៗវ័យក្មេងជាច្រើនរូប ក៏បានចូលរួមផងដែរ។ ដោយមើលតាមសកម្មភាព ក្នុងកម្មវិធីខួបកំណើតតារាស្រីរូបនេះ មានភាពសប្បាយរីករាយខ្លាំង ខណៈមានភ្ញៀវចូលរួមច្រើនយ៉ាងដូច្នេះ។ 

លើសពីនេះទៅទៀត បើងាកមកមើលការរៀបចំដេគ័រក្នុងពិធីវិញ ពិតជាប្រណីត និងលេចធ្លោខ្លាំងតែម្ដង ហើយអ្វីដែលកាន់តែចាប់អារម្មណ៍ខ្លាំងបំផុតនោះ កញ្ញា​ មីណា បានតុបតែងខ្លួនក្នុងឈុតពណ៌លឿង និងមានមកុដថែមទៀតផង។ម្យ៉ាងវិញទៀត មើលទៅនាងពិតជាស្រស់ស្អាតដូចជាព្រះនាងទៅហើយ បន្ទាប់ពីរៀបចំខួនយ៉ាងទាក់ទាញបែបនេះ។ ដោយឡែក គ្រប់រូបភាព និងការកាច់ស្ទាយ៍ថតរូប​តារាចម្រៀងវ័យក្មេងរូបនេះ ធ្វើឲ្យអ្នកគាំទ្រជាច្រើនលង់ស្នេហ៍នឹងនាង សឹងតែដកចិត្តមិនរួចគ្រប់ៗម្ដង៕

សូមទស្សនារូបភាពខាងក្រោម៖