​អេត្យូពី​រង​គ្រោះដោយហ្វូងកណ្តូបបំផ្លាញដំណាំ ខណៈប្រទេសនេះកំពុង​ជួបនឹងជំងឺរាតត្បាតកូវីដ១៩

អាឌីសអាបាបា៖ ហ្វូងកណ្តូបវាលខ្សាច់ដ៏ច្រើន​មហិមា បាន​នឹងកំពុងបំផ្លាញដំណាំប្រជាកសិករនៅពាសពេញ​ប្រទេសអេត្យូពី ខណៈពេលដែលប្រទេសស្ថិតនៅតំបន់អាហ្វ្រិកខាងកើតមួយនេះ កំពុងតែជួប​វិបត្តិធ្ងន់ធ្ងរ ដោយសារតែវត្តមាននៃជំងឺរាតត្បាតជាសកលកូវីដ១៩។

អ្នកស្រី Marima Wadisha ដែលជាស្ត្រីម៉េម៉ាយកូន ១០នាក់ បានស្រែកនិងគប់ដុំថ្មដោយក្តីអស់សង្ឃឹមទៅលើហ្វូងកណ្តូបដ៏ច្រើនសន្ធឹកសន្ធាប់ ដែលកំពុងស៊ីបំផ្លាញ​ស្រែដំណាំទាំងមូលរបស់គាត់ស្ថិតនៅភាគឦសាន​នៃប្រទេសអេត្យូពី។

អ្នកបានលើកឡើងយ៉ាងដូច្នេះថា៖

យោងតាមទីភ្នាក់ងារស្បៀងអាហាររបស់អង្គការសហប្រជាជាតិ (FAO) បានឱ្យដឹងថា ​ដោយសារតែការរាតត្បាតនៃជំងឺកូវីដ១៩ ក៏ដូចជាបញ្ហាទឹកជនន់ផង​ ទើបធ្វើឱ្យប៉ះពាល់ដល់សង្វាក់ផ្គត់ផ្គង់ថ្នាំសំលាប់សត្វល្អិត និងឧបករណ៍ដទៃទៀតរបស់អង្គការ FAO ដើម្បីប្រយុទ្ធប្រឆាំង​ហ្វូងកណ្តូបទាំងនេះ ហើយវត្តមាន​សត្វកណ្តូបបំផ្លាញដំណាំនៅក្នុងប្រទេសអេត្យូពី គឺពិតជាអាក្រក់បំផុត​។

គួរឱ្យដឹងដែរថា កណ្តូបវាលខ្សាច់នេះ បានបំផ្លាញផ្ទៃដីដំណាំអស់ប្រមាណ ២០ម៉ឺនហិកតា ចាប់តាំងពីខែមករា ដែល​កំពុងគំរាមកំហែងដល់ការផ្គត់ផ្គង់ស្បៀងអាហារនៅក្នុងប្រទេសអេត្យូពី។ ហើយកណ្តូបមួយហ្វូងទំហំមួយគីឡូម៉ែត្រការ៉េ អាចស៊ីចំណី​ស្មើគ្នាទៅនឹងរបបអាហាររបស់មនុស្ស​៣៥,០០០នាក់ក្នុងមួយថ្ងៃ៕