បរទេស៖ ការប្រកួតពានរង្វាន់ក្លិបអាជីពលំដាប់ទី១នៅទ្វីបអឺរ៉ុប ព្រឹត្តិការណ៍ UEFA Champions League រដូវកាល២០២០/២១ បានចាប់ផ្ដើមប្រកួតកាលពីរាត្រីថ្ងៃអង្គារ ទី២០ ខែតុលា ម្សិលមិញនេះ។ ក្នុងនោះដែរប្រកួតបើកឆាក ក្នុងពូល F ក្រុមជើងខ្លាំងមកពីអាល្លឺម៉ង់ Borussia Dortmund បានបរាជ័យយ៉ាងធ្ងន់ក ក្រោមថ្វីជើងក្រុមម្ចាស់ផ្ទះ Lazio ដោយលទ្ធផល៣ទល់នឹង១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៣គ្រាប់របស់ Lazio រកបានដោយខ្សែប្រយុទ្ធ Ciro Immobile និងការភ្លាត់ធ្វើឲ្យចូលទីខ្លួនឯងរបស់អ្នកចាំទីក្រុមភ្ញៀវកីឡាករ Marwin Hitz ខណៈ១គ្រាប់ទៀតសម្រេចទីដោយខ្សែបម្រើ Jean-Daniel Akpa-Akpro។
ដោយឡែក១គ្រាប់របស់ Dortmund ធ្វើបានដោយខ្សែប្រយុទ្ធវ័យក្មេងកំពុងឡើងកូដ Erling Haaland។ គួរបញ្ជាក់ដែរថា នៅក្នុងពូល F នេះ Club Brugge ជាក្រុមដែលកំពុងឈរកំពូលតារាងអសន្ន ក្រោយយកឈ្នះ Zenit ក្រៅដី ២-១ កាលពីយប់មិញដែរនោះ មាន៣ពិន្ទុស្មើគ្នា ជាមួយនឹងក្រុម Lazio ។
ក្រឡេកទៅមើលពូល E ឯណោះវិញ ក្រុមតោខៀវ Chelsea បានត្រឹមចែកគ្នាម្នាក់មួយពិន្ទុ ជាមួយក្រុមភ្ញៀវ Sevilla ក្រោយចប់៩០នាទីក្រុមទាំងពីរមិនអាចធ្វើអ្វីគ្នាបាននោះទេ ដោយបញ្ចប់ទៅក្នុងលទ្ធផល០ទល់នឹង០។
ខណៈ១គូទៀត រវាងក្រុម Rennes និង ក្រុម FC Krasnodar ដែលស្ថិតក្នុងពូល E ដែរនោះ កាលពីយប់មិញ ក៏បញ្ចប់ទៅដោយចែកគ្នាម្នាក់១ពិន្ទុផងដែរ ពោលគឺស្មើគ្នា១ទល់នឹង១។ ក្នុងនោះកីឡាករ Sehrou Guirassy ជាអ្នករកគ្រាប់បាល់ឲ្យក្រុម Rennes តាមរយៈការទាត់បាល់ប៉េណាល់ទី។ ចំណែកឯ១គ្រាប់របស់ក្រុម Krasnodar ធ្វើបានដោយកីឡាករ Cristian Ramirez ៕