៣ប្រកួតរកបាន៣គ្រាប់! Morata ស៊ុតបាន២គ្រាប់ម្នាក់ឯងជួយឲ្យ Juventus យកឈ្នះ Dynamo Kyiv ២-០ យប់មិញ (មានវីដេអូ)

បរទេស៖​ ក្លិបសេះបង្កង់ Juventus ដែលដឹកនាំដោយលោក Andrea Pirlo បានលើកលើកទ័ពទៅយក៣ពិន្ទុក្រៅដី ក្នុងវគ្គចែកពូលពានរង្វាន់ UEFA Champions League យប់មិញ ដោយបានយកឈ្នះក្លិប Dynamo Kyiv របស់ប្រទេសអ៊ុយក្រែនដោយលទ្ធផល០ទល់នឹង២។ 

ខ្សែប្រយុទ្ធ Alvaro Morata ជាអ្នកស៊ុតបានទាំង២គ្រាប់ឲ្យ Juventus ពោលគឺរកបាននៅនាទីទី៤៦មួយគ្រាប់ និងនៅនាទីទី៨៤មួយគ្រាប់។ យោងតាមលទ្ធផលនេះ Juventus មានបីពិន្ទុស្មើនឹង Barcelona ក្នុងពូល G ។

គួរបញ្ជាក់ដែរថាកីឡាករ Alvaro Morata ដែល Juventus ទើបនឹងខ្ចីជើងបានពីក្លិប Atletico Madrid នោះ រកបាន៣គ្រាប់ នៅក្នុងការបង្ហាញខ្លួន៣ប្រកួតដំបូងឲ្យក្លិបយក្សអ៊ីតាលីមួយនេះ៕

ប្រភព៖ bbc