ក្រោយមានគេសុំឲ្យដកពាក្យបណ្ដឹង Taew ចេញ​មុខនិយាយថា...

ថៃ៖ ប្រធានបទមួយបានបណ្តាលឲ្យមានមនុស្សជាច្រើន រង់ចាំតាមដានមើលពីរឿងរ៉ាវរបស់ តារាស្រី Taew Natapohn បន្ទាប់ពីមាន ការអត្ថាធិប្បាយមួយ ដែលត្រូវបានធ្វើឡើងពីអ្នកលេងបណ្ដាញសង្គមម្នាក់ នៅលើ Instagram របស់នាង ដែលបាននិយាយស្នើសុំ ឲ្យតារាស្រីរូបនេះ ដកពាក្យបណ្តឹងវិញ ព្រមទាំងពោលពាក្យសុំទោស បន្ទាប់ពី លេចលឺថា Taew នឹងធ្វើការប្ដឹងផ្ដល់ពីករណីបរិហារកេរ្តិ៍ បង្ខូចកេរ្តិ៍ឈ្មោះ តាមបណ្ដាញសង្គម ទៅលើអ្នកដែលបានជេររូបនាង ផងដែរ។

យ៉ាងណាមិញ ក្នុងករណីនេះ ក៏បានធ្វើឲ្យមនុស្សជាច្រើន ពិតជាមានការងឿងឆ្ងល់ថា Taew នឹងដាក់ពាក្យបណ្ដឹងប្ដឹងទៅលើបុគ្គលណាម្នាក់ផ្សេងទៀតដែរទេ រហូតដល់ពេលថ្មីៗនេះ យោងទៅតាមសារព័ត៌មាន បានរាយការណ៍ថា អ្នកយកព័ត៌មាន បានធ្វើការសាកសួរទៅ តារាស្រី Taew អំពីបញ្ហានេះ ដែលនៅក្នុងនោះ នាងក៏បានបង្ហើបថា នាងបានឃើញការខមិនអត្ថាធិប្បាយរួចហើយ ហើយពិតជាមិនយល់ថា អ្នកខមិននោះបាននិយាយពីរឿងអ្វីនោះទេ ដោយសារតែ នាងមិនបានចោទប្រកាន់ និងមិនបានប្តឹងទៅលើនរណាម្នាក់នោះទេ។

លើសពីនេះទៅទៀត នាងថែមទាំងបានបង្ហើបទៀតថា នាងពិតជាយល់ស្របថា កាលពីមុនមានមតិយោបល់មិនល្អខ្លះៗ ប៉ុន្តែក៏នៅស្ងៀមៗ មិនបានលុបចោល ហើយក៏មិនគិតថា នឹងទៅប្តឹងនរណាម្នាក់នោះទេ ដែលក្នុងករណីនេះ ជឿថា គឺជារឿងដែលមានការយល់ច្រឡំ ច្រើនជាង៕ 

សូមទស្សនារូបភាពខាងក្រោម៖