នៅក្នុងឆ្នាំ ២០២០ នេះមានអាជីវកម្ម និងជំនួញជាច្រើនត្រូវប្រឈមមុខនឹងហានិភ័យ ដែលត្រូវបាត់បង់នូវប្រាក់ចំណេញ។ ផ្ទុយទៅវិញ វាហាក់ដូចជាពេលមួយដ៏ជោគជ័យសម្រាប់ក្រុមហ៊ុន Tesla Motor របស់ Elon Musk ដែលធ្វើឲ្យលោកអាចហក់ចូលក្នុងតារាងនៃកំពូលអ្នកមានលំដាប់ពិភពលោកយ៉ាងឆាប់រហ័ស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ Tesla បានកំពុងតែវាយលុកចូលទីផ្សារធំៗ នៅទូទាំងពិភពលោកជាពិសេសទីផ្សារសហរដ្ឋអាមេរិក។ ក្នុងនោះដែរ Tesla បានប្រកាសថា ខ្លួនកំពុងតែមានគម្រោងក្នុងការចាប់យកទីផ្សារនៅប្រទេសឥណ្ឌានៅឆ្នាំក្រោយនេះផងដែរ។ ប៉ុន្តែអ្នកជំនាញបាននិយាយថា វាអាចមាននូវការលំបាក ឬឧបសគ្គមួយចំនួនសម្រាប់ Tesla ក្នុងការចាប់យកភាពជោគជ័យនៅឥណ្ឌា។ បើទោះបីជាប្រទេសនេះមានបរិមាណប្រជាជនច្រើនក៏ពិតមែន ក៏ប៉ុន្ដែពួកគេនៅមានកត្តាជីវភាព និងប្រាក់ចំណូលនៅទាបនៅឡើយ។ ដូចនេះ វាអាចមានបរិមាណទាបសម្រាប់អ្នកដែលមានសមត្ថភាពនៅក្នុងការ ទិញ និងប្រើប្រាស់នូវរថយន្ដប្រភេទនេះ។
បន្ថែមទៀតនោះ ឥណ្ឌានៅមានកត្តាមួយទៀត ដែលជាឧបសគ្គសម្រាប់ការប្រើប្រាស់រថយន្ដអគ្គិសនីនោះ គឺបញ្ហាហេដ្ឋារចនាសម្ព័ន្ធផ្លូវថ្នល់ និងចំនួននៃស្ថានីយ៍សាកអគ្គិសនីដែលនៅមានចំនួនតិចនៅឡើយ។
គួរបញ្ជាក់ផងដែរថា បើយោងតាមអ្វីដែលលើកឡើងអំពីឧបសគ្គសម្រាប់ Tesla នៅក្នុងប្រទេសឥណ្ឌានេះ វាអាចជាកត្តាមួយដែលលំបាកសម្រាប់ Tesla ក្នុងការប្រកួតប្រជែងនៅឥណ្ឌា៕