អ័ព្ទធ្វើឲ្យឡាន ១៥ គ្រឿង បុកបន្តកន្ទុយគ្នា និងបង្កឲ្យមនុស្ស ១៧ នាក់​រង​របួស​នៅកូរ៉េខាងត្បូង

សេអ៊ូល៖ ទីភ្នាក់ងារសារព័ត៌មានយ៉ុនហាប់បានដកស្រង់សំដីប៉ូលីសតាមរយៈការរាយការណ៍របស់ថា មានមនុស្ស​ចំនួន ១៧ នាក់បានរងរបួសកាលពីព្រឹកថ្ងៃអង្គារនៅក្នុងគំនររថយន្ដ ១៥ គ្រឿងក្នុងប្រទេសកូរ៉េខាងត្បូង ដែលនេះ​បណ្តាលមកពីអាកាសធាតុធ្លាក់អ័ព្ទ។

រថយន្តដឹកទំនិញ ២៥ តោនមួយគ្រឿងត្រូវបានបុកពីក្រោយដោយរថយន្តដឹកទំនិញ ២៥ តោនផ្សេងទៀត នៅម៉ោងប្រហែល ៥ និង ៥២ នាទីព្រឹកម៉ោងក្នុងស្រុកនៅលើផ្លូវ Seohaean Expressway ក្នុងក្រុង Dangjin ដែលមានចម្ងាយប្រហែល ១២០ គីឡូម៉ែត្រខាងត្បូងរដ្ឋធានីសេអ៊ូល។

ការប៉ះទង្គិចនេះពាក់ព័ន្ធនឹងរថយន្តចំនួន ៩ គ្រឿងផ្សេងទៀតដែលបានបើកតាមពីក្រោយរថយន្តដឹកទំនិញដែលមិនបានបន្ថយល្បឿន បើទោះបីជាអាកាសធាតុមានធ្លាក់អ័ព្ទក៏ដោយ។ ចំណែកឯរថយន្ត ៤ គ្រឿងទៀតក៏បានបុកតៗគ្នានៅខាងក្រោយឡានដឹកទំនិញនោះផងដែរ។

គួរបញ្ជាក់ផងដែរថា ហេតុការណ៍រថយន្តបុកបន្តកន្ទុយគ្នាបែបនេះបណ្តាលឱ្យមានអ្នករងរបួសចំនួន ១៧ នាក់ ប៉ុន្តែមិនមានសេចក្តីរាយការណ៍ពីការស្លាប់នោះទេ។ ជាងនេះទៀតក៏បានបង្ករការស្ទះចរាចរណ៍រយៈពេលជាង ៣ ម៉ោងផងដែរដោយសារតែគ្រោះថ្នាក់ចរាចរណ៍នេះ៕

ប្រភព៖ The Korea Herald