ខ្សែប្រយុទ្ធឆ្នើមរបស់ក្លិប Wolves កីឡាករ Raul Jimenez បានសារភាពថា គាត់អាចនឹងចាកចេញពីក្លិបនៅប៉ុន្មានខែខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិមិចស៊ីកូរូបនេះធ្លាប់ត្រូវបានផ្សារភ្ជាប់ជាមួយនឹងការផ្ទេរដ៏ធំមួយដោយមានក្រុម Real Madrid, Manchester United និង Juventus ដែលគេជឿជាក់ថាបានភ្ជាប់ទំនាក់ទំនងចុះហត្ថលេខាយកនៅរដូវក្តៅកន្លងទៅនេះ។ ប៉ុន្តែជាលទ្ធផលគ្មានការផ្ទេរណាមួយបានកើតឡើងសម្រាប់កីឡាករវ័យ ២៩ ឆ្នាំរូបនេះទេ។
នៅដើមខែនេះ គាត់បានចុះហត្ថលេខាលើកិច្ចព្រមព្រៀងរហូតដល់ឆ្នាំ ២០២៤ ប៉ុន្តែគាត់ក៏បាននិយាយរួចហើយអំពីការចាកចេញដែលបម្រុងនឹងកើតមាន។ គាត់បានប្រាប់ទូរទស្សន៍ Sky Sports ថា "នៅពេលឈប់សម្រាកអន្តរជាតិ រាល់ថ្ងៃដែលខ្ញុំភ្ញាក់ឡើងខ្ញុំគិតថាខ្លួនឯងហាក់កំពុងលេងឱ្យក្លិបថ្មីអ៊ីចឹង។ ប៉ុន្តែវាគ្រាន់តែជាពាក្យចចាមអារ៉ាមប៉ុណ្ណោះ។"
គាត់បានបន្ថែមទៀតថា “ខ្ញុំសប្បាយចិត្តនៅទីនេះ ហើយរីករាយនឹងលេងនៅទីនេះ។ អ្នកតែងតែបើកឱកាសឱ្យខ្លួនឯងចំពោះរឿងគ្រប់យ៉ាង តែមិនត្រូវបាត់បង់គតិរបស់អ្នកឡើយ។ ប្រសិនបើខ្ញុំនៅលេងបន្ត ខ្ញុំពិតជារីករាយនឹងលេងដដែល។ ប្រសិនបើខ្ញុំត្រូវចាកចេញ នៅក៏ជាផ្នែកមួយនៃការប្រឹងប្រែងរបស់ខ្ញុំផងដែរ ព្រោះយើងគឺជាកីឡាករបាល់ទាត់អាជីព ហើយនោះគឺជាផ្នែកមួយនៃជីវិតជាកីឡាករបាល់ទាត់៕
ប្រភព៖ Tribal Football