ក្លិប Man City បានព្យាយាមចុះកុងត្រាយក Messi នៅរដូវក្តៅនេះ ប៉ុន្តែភាគីខាងក្លិប Barcelona មិនអនុញ្ញាតឱ្យគាត់ចាកចេញក្នុងតម្លៃទាបជាងតម្លៃដែលបានចែងក្នុងលក្ខខណ្ឌនៃការផ្ទេរនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ ៣៣ ឆ្នាំរូបនេះក៏មិនបានប្រឆាំងនឹងការសម្រេចចិត្តរបស់ក្លិបកាតាឡាននោះដែរ ដោយបានសម្រេចចិត្តនៅលេងបន្តឱ្យក្លិបយក្សអេស្ប៉ាញ។ យោងតាមសារព័ត៌មាន Daily Star បានឱ្យដឹងថា Man City នឹងប្រឹងប្រែងឱ្យអស់ពីលទ្ធភាពក្នុងការចុះហត្ថលេខាខ្សែប្រយុទ្ធឆ្នើមរូបនេះម្តងទៀតនៅខែមករាខាងមុខនេះក្នុងតម្លៃទាបជាងមុន។
Man City ដឹងថាប្រសិនបើ Messi ផុតកិច្ចសន្យា គាត់នឹងចាកចេញដោយមិនមានថ្លៃផ្ទេរនៅរដូវក្តៅនេះ ហើយ Barcelona នឹងមិនទទួលបានអ្វីទាំងអស់។ ប្រសិនបើ Messi នៅតែមិនចាកចេញពី Barca នៅខែមករាទៀត នោះប្រហែលជាគ្មានជម្រើសអ្វីក្រៅពីបោះបង់បំណងផ្លាស់ទៅលេងនៅ Man City ហើយ៕
ប្រភព៖ Tribal Football