ភ្នំពេញ៖ ជាការពិតណាស់ ចាប់តាំងពីសម្រាលកូនដំបូង កន្លងមកជាច្រើនខែមកនេះ តារាចម្រៀងស្រីដ៏មានប្រជាប្រិយភាព ពេជ្រ សូលីកា ហាក់កំពុងមមាញឹកជាមួយនឹងការងារសិល្បៈច្រើនឡើងវិញហើយ ដោយមួយរយៈចុងក្រោយនេះ នាងតែងលេចមុខនៅតាមកម្មវិធីមួយចំនួន និងចេញបទចម្រៀងថ្មីក្នុងផលិតកម្មរស្មីហង្សមាសផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះទៀតសោត ការបង្ហាញវត្តមានក្នុងវិស័យសិល្បៈជាថ្មីម្ដងទៀតនេះដែរ ឃើញថា ពេជ្រ សូលីកា ពិតជាមានភាពលេចធ្លោរខ្លាំងជាងមុន ជាមួយនឹងការលេងស្ទាយ៍តុបតែងខ្លួន ម៉ូតសម្លៀកបំពាក់ថ្មីៗ ប្លែកៗមើលទៅមិនស៊ាំភ្នែកនោះឡើយ។
ជាក់ស្ដែង មុននេះបន្តិច តារារូបនេះក៏ទើបតែបានបង្ហោះរូបថតរបស់ខ្លួន នៅលើគណនី អ៊ីនស្តាក្រាម ដែលធ្វើឲ្យអ្នកគាំទ្រមានពេញចិត្តមិនតិចនោះទេ ពេលដែលបានឃើញ នាងបានផ្លាស់ប្ដូរស្ទាយ៍មួយបែបផ្សេងទៀតនេះ ជាមួយនឹងការកាត់ម៉ូតសក់ខ្លីត្រឹមកញ្ចឹង.ក ធ្វើម៉ូតរួញបន្តិចៗ ហើយថែមទាំងប្ដូរពណ៌សក់ថ្មី ថែមទៀតផង។ ដែលការប្ដូរម៉ូតសក់ថ្មីមួយបែបនេះ មើលទៅ ពេជ្រ សូលីកា ពិតជាប្លែក ស្រស់ស្អាតមិនចាញ់រាល់ដងនោះឡើយ ខណៈមានកូនមួយហើយក៏ពិតមែន ប៉ុន្តែនាងនៅតែមានភាពច្នៃប្រឌិតក្នុងការធ្វើខ្លួន បាននៅតែស្អាតខ្ញង់ផងដែរ៕
ទស្សនារូបភាពខាងក្រោម៖