Haaland មិនចង់ផ្លាស់ទៅ Man United ទេ តែចង់ទៅក្លិបមួយនេះវិញ

ខ្សែប្រយុទ្ធឆ្នើមរបស់ Borussia Dortmund កីឡាករ Erling Braut Haaland សង្ឃឹមថានឹងទទួលបានសំណើនៃការផ្ទេរទៅកាន់ក្លិប Real Madrid នាពេលអនាគត។ កីឡាករអន្តរជាតិសញ្ជាតិន័រវេសរូបនេះស្ទើរតែបានចុះកុងត្រាជាមួយ Manchester United ទៅហើយ មុនពេលសម្រេចចិត្តចូលរួមជាមួយ Dortmund ។

តាមសំណើរបស់ Haaland ក្លិប Dortmund បានបញ្ចូលលក្ខខណ្ឌនៃការផ្ទេរក្នុងកិច្ចសន្យារបស់គាត់ ហើយសារព័ត៌មាន ABC បានអះអាងថា Haaland ចង់ផ្លាស់ទៅ Real Madrid ដោយគាត់ជឿជាក់ថាក្រុមរបស់ Zinedine Zidane គឺជាក្រុមដែលល្អបំផុតលើលោក ដែលគាត់ចង់ផ្លាស់ទៅ ប្រសិនបើគាត់សម្រេចចិត្តចាកចេញពីក្របខណ្ឌ Bundesliga ។

ក្រុមបិសាចក្រហម Manchester United និងតោខៀវ Chelsea នៅតែចាប់អារម្មណ៍លើ Haaland ប៉ុន្តែគេនៅមិនទាន់ច្បាស់ទេថា តើក្លិបណាមួយអាចនឹងធានាកៅអីនាំយកគាត់នៅរដូវកាលក្រោយៗ៕

ប្រភព៖ Tribal Football