រដ្ឋមន្រ្តីក្រសួងសុខាភិបាលអាហ្វ្រិកខាងត្បូង និងភរិយារបស់លោក ធ្វើតេស្តវិជ្ជមានជំងឺកូវីដ-១៩

អាហ្វ្រិកខាងត្បូង៖​ មន្រ្តីសុខាភិបាលអាហ្វ្រិកខាងត្បូងបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអាទិត្យថា រដ្ឋមន្រ្តីសុខាភិបាលរបស់លោក Zweli Mkhize និងភរិយារបស់លោកបានធ្វើតេស្តវិជ្ជមានសម្រាប់ជំងឺ COVID-១៩ ។

លោក Mkhize ត្រូវបានគេដកស្រង់សម្តីនៅក្នុងសេចក្តីថ្លែងការណ៍នោះថា “ ឥឡូវនេះខ្ញុំកំពុងសម្រាកនៅឯផ្ទះ ទាំងប្រពន្ធខ្ញុំ និងខ្ញុំនៅតែមានសុទិដ្ឋិនិយមថាយើងនឹងជាសះស្បើយពីជំងឺនេះ”។ រដ្ឋមន្រ្តីក្រសួងសុខាភិបាលត្រូវបានធ្វើតេស្តកាលពីថ្ងៃសៅរ៍បន្ទាប់ពីបង្ហាញរោគសញ្ញាដំបូង។

ចំនួនករណីឆ្លងជំងឺ COVID-១៩  នៅក្នុងប្រទេសដែលរងផលប៉ះពាល់អាក្រក់បំផុតនៅទ្វីបអាហ្វ្រិកដោយបានកើនឡើងដល់ ៧០០,០០ នាក់កាលពីថ្ងៃសុក្រចាប់តាំងពីករណីដំបូងត្រូវបានគេធ្វើរោគវិនិច្ឆ័យនៅក្នុងខែមីនាឆ្នាំនេះ។

យោងតាមទិន្នន័យចុងក្រោយបង្អស់របស់រដ្ឋាភិបាលនៅថ្ងៃចន្ទនេះ ប្រទេសអាហ្វ្រិកខាងត្បូងមានអ្នកឆ្លងជំងឺ COVID-១៩ សរុបចំនួន ៧០៣.៧៩៣ ករណី និងមានអ្នកស្លាប់ចំនួន ១៨,៤៧១ នាក់៕

ប្រភព៖ ទីភ្នាក់ងារសារព័ត៌មានចិនស៊ីនហួរ