Van Dijk អាចនឹងអវត្តមានរយៈពេលច្រើនខែសម្រាប់ក្រុម Liverpool ក្រោយជួបបញ្ហានេះ

កីឡាករ Virgil van Dijk នឹងទទួលការវះកាត់ជង្គង់ បន្ទាប់ពីការស្កេនបានបញ្ជាក់ថា ខ្សែការពាររបស់ Liverpool បានរងរបួសសរសៃពួរសាច់ដុំ ACL អំឡុងពេលប្រកួតស្មើ ២-២ កាលពីថ្ងៃសៅរ៍ជាមួយក្រុម Everton ។ Van Dijk បានរងរបួសនៅនាទីទី ៥ បន្ទាប់ពីមានការប្រជែងគ្នាពីសំណាក់អ្នកចាំទី Jordan Pickford របស់ក្រុម Everton ដែលមិនត្រូវបានពិន័យ ដោយអាជ្ញាកណ្តាលលោក Michael Oliver និងមន្ត្រី VAR នោះទេ។

គួរឱ្យជម្រាបផងដែរថា ទោះបីជា Van Dijk អាចដើរចេញពីទីលានក្រោយពីការព្យាបាលដោយក្រុមគ្រូពេទ្យរបស់ Liverpool ក៏ដោយ ក៏ការស្កេនបានបញ្ជាក់ថា កីឡាករវ័យ ២៩ ឆ្នាំរូបនេះបានរងការខូចខាតសរសៃពួរសាច់ដុំ ACL នៅក្នុងហេតុការណ៍នេះ ហើយជាលទ្ធផលវាប្រឈមនឹងការខកខានការប្រកួតជាច្រើនខែសម្រាប់ Liverpool ថែមទៀតផង៕

ប្រភព ៖ ESPN