អាមេរិក៖ កូវីដ-១៩ គឺជំងឺរាតត្បាតគួរឲ្យខ្លាចបំផុតសម្រាប់ឆ្នាំ២០២០នេះ វាបានសម្លាប់ និងចម្លងមនុស្សរាប់លាននាក់ជុំវិញពិភពលោក មិនត្រឹមតែប៉ុណ្ណោះ សូម្បីតែព្រឹត្ដិការណ៍តូចធំនានា ក៏ត្រូវហាមមិនឲ្យប្រារព្ធផងដែរ។ តែយ៉ាងណាក្ដី មួយរយៈចុងក្រោយនេះ គេឃើញថាមានកម្មវិធី ឬព្រឹត្ដិការណ៍មួយចំនួនត្រូវបានដំណើរការឡើងវិញហើយ ប៉ុន្ដែក៏ត្រូវមានវិធានការការពារផងដែរ។ ជាក់ស្ដែង ការប្រគុំតន្ដ្រីមួយនៅសហរដ្ឋអាមេរិក តម្រូវឲ្យក្រុមអ្នកច្រៀង និងអ្នកទស្សនានៅក្នុងបាល់ប្លាស្ទិក ដើម្បីរក្សាគម្លាតសង្គម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការសម្ដែង ដែលមានអ្នកចូលរួមចំនួន១០០នាក់ គឺជាព្រឹត្ដិការណ៍ដែលគេចាត់ទុកជាការសាកល្បង សម្រាប់ការប្រគុំតន្ដ្រីនាពេលអនាគត ចំពេលមានជំងឺកូវីដ-១៩រាតត្បាត និងជាផ្នែកមួយនៃការថតវីដេអូចម្រៀងថ្មីរបស់ក្រុមតន្រ្ដីរ៉ក The Flaming Lips ផងដែរ។
ក្រុមនេះ មកពីទីក្រុងអូក្លាហូម៉ា បានធ្វើការសម្ដែងចម្រៀងចំនួនពីរបទ ពីអាល់ប៊ុមថ្មីរបស់ពួកគេឈ្មោះ American Head កាលពីថ្ងៃចន្ទសប្ដាហ៍មុន នៅឯឆាកតន្ដ្រីក្នុងស្រុកមួយកន្លែង ដែលជាធម្មតាអាចផ្ទុកអ្នកទស្សនារហូតដល់ទៅ៣,៥០០នាក់ឯណោះ។ ហើយគំនិតនៃការរៀបចំបែបនេះ ត្រូវបានបង្ហាញជាលើកដំបូងនៅក្នុងកម្មវិធី The Late Show តាំងពីខែឧសភាមកម្ល៉េះ។
លោក Wayne Coyne ដែលជាអ្នកចែករំលែកឃ្លីបវីដេអូ និងរូបភាពនៃការប្រគុំតន្ដ្រី បាននិយាយថា៖
សូមទស្សនារូបភាព និងវីដេអូខាងក្រោម៖