អង់គ្លេស៖ សត្វបក្សីមួយក្បាល មានឈ្មោះហៅថា Rufous Bush ដែលអាចនិយាយបានថាជាសត្វបក្សីដ៏កម្រ មានសំឡេងស្រែកយ៉ាងក្រៀមក្រំ និងពណ៌ត្នោតស្លេក ខុសប្លែកពីសត្វបក្សីដទៃទៀត។ ហើយវាត្រូវបានគេប្រទះឃើញកាលពីថ្ងៃសៅរ៍ទី១៧ ខែតុលាចុងសប្ដាហ៍មុននេះ នៅតំបន់ Stiffkey ភាគខាងជើង Norfolk ក្នុងប្រទេសអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា សត្វបក្សីមួយក្បាលនេះ មិនបានបង្ហាញវត្តមាននៅច្រាំងសមុទ្ររបស់ប្រទេសអង់គ្លេសអស់រយៈពេល៤០ឆ្នាំមកហើយ មកទល់បច្ចុប្បន្ន។ ហើយវាត្រូវបានគេប្រទះឃើញចុងក្រោយបំផុតនៅច្រាំងថ្មចោទ ក្នុងចក្រភពអង់គ្លេស នាឆ្នាំ១៩៨០។
ទន្ទឹមនឹងនេះដែរ មានមនុស្សជាង១០០នាក់ ដែលជាអ្នកស្រលាញ់សត្វ មានអារម្មណ៍រំភើបជាខ្លាំងចំពោះវត្តមានរបស់បក្សីមួយក្បាលនេះ ដោយមានត្រៀមកែវយឹត និងកាមេរ៉ាសម្រាប់ផ្ដិតយករូបភាពផងដែរ។
យ៉ាងណាមិញ បើតាមពលរដ្ឋម្នាក់ បានឲ្យដឹងដែរថា សត្វបក្សីមួយក្បាលនេះ ទំនងជាហោះហើរឆ្ពោះទៅកាន់តំបន់ត្រូពិក តែបែរជាខុសផ្លូវ៕
សូមទស្សនារូបភាពនិងវីដេអូខាងក្រោម៖