ឡើងជើងសាហាវណាស់! Barkley ស៊ុតពីលើដំបូលទូកមួយគ្រាប់យប់មិញជួយឲ្យ Aston Villa ឈ្នះ៤ប្រកួតជាប់គ្នា (មានវីដេអូ)

អង់គ្លេស៖ នៅក្នុងការប្រកួតក្របខ័ណ្ឌ Premier League យប់មិញនេះក្លិបម្ចាស់ផ្ទះ Leicester City បានបាត់បង់៣ពិន្ទុដ៏មានសារៈសំខាន់ ក្រោយចាញ់ក្លិបកំពុងតែឡើងជើងខ្លាំង Aston Villa ដោយលទ្ធផល០ទល់នឹង១។ 

នៅត្រឹម៩០នាទី​ ក្លិបទាំងពីរមិនអាចធ្វើអ្វីគ្នាបាននោះទេ រហូតដល់នាទីទី៩០+១ ទើបកីឡាករខ្សែបម្រើ Rose Barkley ដែលទើបតែខ្ចីជើងបានពី Chelsea ស៊ុតពីលើដំបូងទូកផុតដៃអ្នកចាំទី Kasper Schmeichel របស់ Leicester រកបានជ័យជម្នះឲ្យ Aston Villa ។​

គួរឲ្យដឹងដែរថាសម្រាប់៤ប្រកួតដំបូងក្លិប Aston Villa ធ្វើបានល្អណាស់ ពោលគឺឈ្នះទាំង៤ប្រកួត មានគ្រាប់ចំណេញដល់ទៅ១០គ្រាប់។ ចំណែកឯ៥ប្រកួតដំបូងរបស់ Leicester City វិញគឺឈ្នះ៣ ចាញ់២៕

ប្រភព៖ bbc