លែងលះគ្នាក៏ពិតមែន ប៉ុន្តែBrad Pittនៅតែមិនអស់ពី Angelina Jolie រឿងមួយ

បរទេស៖ កាលពីពេលថ្មីៗនេះ តារាសម្តែង Brad Pitt បានដាក់ពាក្យបណ្តឹងទៅកាន់តុលាការដើម្បីស្នើសុំសិទ្ធិដើម្បីអាចយកកូនរូបគេជាមួយអតីតប្រពន្ធ Angelina Jolie ទៅក្រៅបានក្នុងពេលឈប់សម្រាកឬបុណ្យទានផ្សេងៗផងដែរ។

ដោយឡែក តារាសម្តែងជើងចាស់រូបនេះ សង្ឃឹមថារូបខ្លួននឹងអាចជួបមុខកូនៗរបស់ខ្លួននិង ចំណាយមួយយប់ជាមួយគ្នាក្នុងថ្ងៃបុណ្យ Christmas នៅថ្ងៃ២៥ខែធ្នូនេះ ប៉ុន្តែរឿងមួយនេះគឺត្រូវតែឆ្លងកាត់ការការវិនិច្ឆ័ុយរបស់តុលាការរួមទាំងការសម្រេចចិត្តរបស់កូនៗរបស់ពួកគេជាមុនសិនថាតើពួកគេចេញក្រៅជាមួយឪពុករបស់គេឬ យ៉ាងណា ដែលអង្គជំនុំជម្រះនេះ គឺនៅក្នុងខែវិច្ឆិកា ឆ្នាំ២០២០នេះ។

យ៉ាងណាមិញរឿងរ៉ាវបញ្ហាពាក្យមុខយក្សដាក់គ្នារវាង Brad Pittនិង Angelina Jolie បានអូសបន្លាយពេលយូរៗទៅៗនិង ថែមទាំងរឿងកាន់តែធំៗទៅ ដែលរឿងរ៉ាវបែបនេះមិនដែលកើតឡើងសោះតាំងពីពួកគេលែងលះជាមួយគ្នាមក។

គួររម្លឹកដែរថា Brad Pittនិង Angelina Jolie  បានរៀបការជាមួយគ្នានៅក្នុងឆ្នាំ២០១៤និង បានលែងលះគ្នាដាច់ស្រេចនៅក្នុងឆ្នាំ២០១៩៕