ភ្នំពេញ៖ អ្នកប្រដាល់មកពីក្លិបបញ្ជាការដ្ឋានកងទ័ពពិសេស កីឡាករ គឹម វាសនា មិនបានលាក់ស្នៀតរបស់ខ្លួននោះទេ ដោយបានប្រើកណ្ដាប់ដៃយ៉ាងធ្ងន់ ធ្វើឲ្យដៃគូរបស់ខ្លួន កីឡាករ ពុទ្ធ ឆាយរិទ្ធី បោះបង់ការប្រកួតត្រឹមទឹក២ នៅសង្វៀនទូរទស្សន៍ CNC កាលពីព្រឹកថ្ងៃសៅរ៍ ទី១៧ ខែតុលានេះ។

  កីឡាករ គឹម វាសនា បង្គោលខៀវ

នៅក្នុងទឹកទី១ កីឡាករទាំងពីរនៅស្ទាបស្ទង់គ្នាច្រើន បើទោះជាធ្លាប់ជួបគ្នាច្រើនលើកមកហើយក៏ដោយ។ លុះឈានដល់ទឹក២ ទាំង វាសនា និង រិទ្ធី ព្យាយាមលេងជង្គង់គ្នាទោវិញទៅមក ខណៈនៅពាក់កណ្ដាលទឹក២ អ្វីៗបានឈានមកដល់ទីបញ្ចប់ ក្រោយ រិទ្ធី លើកជើងទាត់ តែភ្លាត់ស្នៀតត្រូវ វាសនា ចាប់ជើងបាន រួចក៏សងមួយដៃមកវិញយ៉ាងធ្ងន់ភ្លាមៗ បណ្ដាលឲ្យកូនសិស្សលោគ្រូ ខុន សិរីយ៉ា វង្វេងវង្វាន់មិនអាចបន្តការប្រកួតទៀតបាន។

  កីឡាករ ពុទ្ធ ឆាយរិទ្ធី 
  កីឡាករ គឹម វាសនា 

គួរបញ្ជាក់ដែរថា នេះជាការជួបគ្នាលើកទី៨ហើយ រវាងកីឡាករទាំងពីរ ក្នុងនោះ វាសនា ឈ្នះបាន៦ដង ចំណែកឯ រិទ្ធី ឈ្នះ២ដង៕

បើចង់ឃើញការប្រកួតជក់ចិត្តយ៉ាងណានោះ សូមទស្សនាវីដេអូខាងក្រោម៖

វីដេអូ ៖ Sport Zone

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ