ភ្នំពេញ៖ ថ្មីៗនេះ មានការភ្ញាក់ផ្អើលយ៉ាងខ្លាំង ជុំវិញករណីគ្រោះថ្នាក់ចរាចរណ៍ ដោយរថយន្តសេរ៊ីទំនើបមួយគ្រឿង បានដេញបុកម៉ូតូ ថែមទាំងបានផ្ទុះវីដេអូហេតុការណ៍ស្រស់ៗ ធ្វើឲ្យប្រិយមិត្តមានការខឹងសម្បារ កើតទុក្ខមិនសុខចិត្តគ្រប់គ្នា។

យោងតាមវីដេអូមួយនោះដែរ គេឃើញថា ហេតុ​ការណ៍​ដ៏សាហាវឃោរឃៅនេះ​ បានកេីតឡេីង​នៅ​វេលា​ម៉ោង​ ២៣​:២៤​ នាទី​ យប់​ថ្ងៃ​ទី​ ១៥​ តុលា​ ឆ្នាំ​ ២០២០ ដោយរថយន្តម៉ាក NX200T បើកដោយបុរសម្នាក់ មានមុខរបរជាពេទ្យធ្មេញ បើកបរនៅចំណុចផ្លូវលេខ១៧៣ កែងផ្លូវ លេខ៣២៨ សង្កាត់ ទួលស្វាយព្រៃ១ ខណ្ឌ បឹងកេងកង បុកពីក្រោយ និងថយមកកិន សម្លាប់បុរសម្នាក់ ដែលជាភាគីខាងម៉ូតូ ។

យ៉ាងណាមិញ បន្ទាប់ពីបានជ្រាបពត៌មានដ៏រន្ធត់មួយនេះហើយ ឃើញថាមានមហាជនជាច្រើនក្នុងបណ្ដាញសង្គមហ្វេសប៊ុក កើតទុក្ខមិនសុខចិត្តចំំពោះភាគីជាអ្នកបើកបររថយន្តយ៉ាងខ្លាំង ព្រមទាំងចាត់ទុកថានេះ ជាអំពើឃាតកម្មគិតទុកជាមុន ថែមទៀតផង។

មិនយូរប៉ុន្មាន ស្រាប់តែ មុននេះបន្តិច មានដំណឹងលេចលឺពីសំណាក់ សាច់ញាតិជនបង្ក ថាមិនមែនជាគ្រោះថ្នាក់ចរាចរណ៍ អំពើមនុស្សឃាតនោះទេ ប៉ុន្តែ ជាករណីដេញតាមចោរទៅវិញ ។ យ៉ាងណាមិញ ចំពោះរឿងរ៉ាវពិតប្រាកដយ៉ាងណា ជុំវិញហេតុការណ៍ដ៏រន្ធត់មួយនេះ មានតែរង់ចាំសមត្ថកិច្ចជំនាញធ្វើការស៊ើបអង្កេតជាមុនសិន៕

ប្រភព៖ ឧត្តមសេនីយ៍ ទី ចំរើនកុសល

ជនបង្ក
ជនបង្ក
ជនរងគ្រោះ
ជនរងគ្រោះ
ហេតុការណ៍កន្លែងកើតហេតុ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ