កូរ៉េខាងត្បូង៖ មិនងាយបានឃើញទេ នៅពេលដែលតារាចម្រៀងទោល IUនិង សមាជិកក្រុមចម្រៀង Tara Jiyeon រំជួលចិត្តរហូតដល់ថ្នាក់ សម្រក់ទឹកភ្នែក ក្រោយពីបានរៀបរាប់រឿងរ៉ាវ ដែលពួកគេធ្លាប់បានឆ្លងកាត់ជាមួយគ្នារាប់មិនអស់ នៅក្នុងវីដេអូនៃការសន្ទនាគ្នាមួយដែលនៅក្នុងគេហទំព័រយូធូប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តារាពីរដួងនេះ បានរាប់អានគ្នាជាមិត្តភក្តិ អស់រយៈកាលច្រើនជាងមួយទសវត្សរ៍ទៅហើយ ដោយមានពេលមួយដែលពួកគេនៅក្មេង IU បានចាត់ទុក Jiyeon ដូចប្អូនស្រីបង្កើតអញ្ចឹងដោយមើលថែរក្សាដូចជាអាណាព្យាបាលអញ្ចឹង។
ប្រហែលជា១០ឆ្នាំមុន IU មានសម្ពាធខ្លាំងនៅក្នុងការងារដោយត្រូវការដោះស្រាយម្នាក់ឯង គ្មាននរណាមកជួយរំលែងទុក្ខបានឡើយ ប៉ុន្តែតារាម្នាក់នេះមានភ្នែករឹងដែល កម្រនឹងឲ្យអ្នកដទៃឃើញនាងយំខ្លាំងណាស់ លើកលែងតែចំពោះមនុស្សដែលអាចទុកចិត្តប៉ុណ្ណោះដែល អាចឃើញទឹកភ្នែករបស់ខ្លួនបាន ដោយនៅពេលនោះ ស្ថានការណ៍ចាប់ផ្តើមផ្លាស់ប្តូរដោយ តារាម្នាក់នេះមិនអាចទប់ទឹកភ្នែកបាន ដោយចាប់ផ្តើមយំភ្លាមៗ នៅពេលដែលឃើញមុខ Jiyeon។
ដោយឡែក ក្នុងវីដេអូមួយនៅក្នុង យូធូបបានបង្ហាញពីការសន្ទនារវាងមិត្តភក្តិដ៏ជិតស្និទ្ធដែលរាប់អានគ្នាដូចបងប្អូននោះគឺបានអូសបន្លាយ ដែលតារាទាំងពីរនេះបាននិយាយគ្នាបណ្តើរនឹង ញុំអាហារបណ្តើរពិតជាគួរឲ្យស្រលាញ់ណាស់ ដោយការនិយាយគ្នាមានអត្ថន័យដូចខាងក្រោម៖
IU: ខ្ញុំតែងតែរក្សាភាពស្ងាត់ស្ងៀមនៅពេលដែលខ្ញុំស្ថិតក្នុងសភាពតឹងតែង ប៉ុន្តែនៅពេលដែលបានឃើញមុខ Jiyeon ខ្ញុំចាប់ទប់ទឹកភ្នែកលែងជាប់ នៅក្នុងពេលនោះអារម្មណ៍ខ្ញុំចាប់ផ្តើមល្អឡើងវិញ
Jiyeon : នៅពេលនោះ ខ្ញុំពិតជាបារម្ភចំពោះ IU ច្រើនជាងអារម្មណ៍ភ្ញាក់ផ្អើល ដោយមិនដែលឃើញ នាងអញ្ចឹងពីមុនមកសោះ ដោយសារកន្លងមកគឺជាខ្ញុំជាអ្នកដែលតែងតែយំនៅពេលដែលយើងនិយាយគ្នាតែប៉ុណ្ណោះ
IU: នៅពេលនោះ ឯងគឺដូចជាបងស្រីរបស់ខ្ញុំអញ្ចឹង ដូច្នេះខ្ញុំមិនអាចបំភ្លេចពេលវេលានៅពេលនោះបានទេ
Jiyeon : បានហើយឈប់និយាយឥឡូវនេះទៅ
ក្រោយពីបានឃើញដូច្នេះរួចមកហ្វេនៗ បានសម្តែងអារម្មណ៍រំភើបចំពោះ អាយដលទាំងពីរដែល ពេលវេលាកន្លងផុតច្រើនឆ្នាំហើយ ប៉ុន្តែមិត្តភាពក៏ដូចជាការរាប់អានគឺនៅតែមាន ដោយមិនបានទៅតាមពេលវេលានោះឡើយ៕
សូមចូលមើលរូបភាពខាងក្រោម៖
Bong I.T