បរទេស៖ ប្រព័ន្ធផ្កាយដ៏កម្រមួយត្រូវបានគេរកឃើញ នៅក្នុងកាឡាក់ស៊ីមីលគីវ៉េរបស់យើង ប៉ុន្តែវាបានបញ្ចប់ជីវិត ដោយការផ្ទុះដ៏ធំមួយ។ ប្រព័ន្ធផ្កាយដែលមានរាងដូចស្លាបកង្ហារមួយនេះ មានទីតាំងនៅចម្ងាយ៨,០០០ឆ្នាំពន្លឺពីផែនដី។ ប៉ុន្តែវាពិតជាកម្រណាស់ ដែលតារាវិទូបានរកឃើញប្រព័ន្ធផ្កាយដូចនេះ នៅក្នុងកាឡាក់ស៊ីរបស់យើង។

ប្រព័ន្ធផ្កាយ Wolf-Rayet

ប្រព័ន្ធផ្កាយមួយនេះត្រូវបានគេឲ្យឈ្មោះថា Wolf-Rayet។ មានតែផ្កាយដែលមានម៉ាស់ធំដូច Wolf-Rayet នឹងឈានដល់ដំណាក់កាលនៃការបញ្ចប់ជីវិតបែបនេះ។ ដំណាក់កាលមួយនេះអាចមានរយៈពេលរហូតដល់ពីរបីពាន់ឆ្នាំឯណោះ ប៉ុន្តែក្នុងជីវិតរបស់ផ្កាយ នោះគ្រាន់តែជាដំណាក់កាលដ៏ខ្លីតែប៉ុណ្ណោះ នេះបើយោងតាមសម្ដីរបស់ក្រុមតារាវិទូ។

ប្រព័ន្ធផ្កាយ Wolf-Rayet បានផ្ទុះ ហើយមានរាងដូចកង្ហារ

នៅខាងក្នុងប្រព័ន្ធផ្កាយមួយនេះ មានផ្កាយចំនួនពីរដែលមានម៉ាស់ធំ ដែលបានគោចរជុំវិញគ្នា ខណៈពួកវាជាដៃគូវិលជុំវិញគ្នាដោយទំនាញ។ ផ្កាយមួយគូនេះប្រហែលជា ផ្កាយ Wolf-Rayet ដែលបានបញ្ចេញឧស្ម័ន ដែលជួយឲ្យកើតមានរូបរាងដ៏ស្មុគស្មាញនៃពពកធូលី។

ផ្កាយទាំងពីរនេះមានទំហំធំជាងព្រះអាទិត្យយើង ប្រហែល១០ទៅ១៥ដង ហើយពួកវាមានពន្លឺភ្លឺជាងព្រះអាទិត្យរបស់យើង ជាង១០ម៉ឺនដង។ ហើយបើប្រៀបធៀបទៅនឹងសីតុណ្ហភាពនៅលើផ្ទៃព្រះអាទិត្យ ដែលមានប្រហែល៩,៩៤១អង្សាហ្វារិនហៃ ផ្កាយមួយគូនេះមានកម្ដៅខ្លាំងរហូតដល់៤៥,០៣២អង្សាហ្វារិនហៃ ឬអាចច្រើនជាងនេះ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ