ម៉ិចស៊ិក៖ ថ្មីៗនេះ មានរឿងរ៉ាវគួរឲ្យភ្ញាក់ផ្អើលមួយ បន្ទាប់ពីក្មេងស្រីម្នាក់ បានបង្ហាញសត្វខ្លាចិញ្ចឹមរបស់នាង ហើយថែមទាំងអួតថា មានកូនខ្លាតូចមួយក្បាលទៀតនៅឯផ្ទះរបស់នាងផងដែរ។

ជាក់ស្ដែង តាមរយៈសកម្មភាពទាំងនោះ ត្រូវបានបុរសម្នាក់ ដែលជាមិត្តភក្ដិរបស់ឪពុកក្មេងស្រី បានថតទុកជាវីដេអូ ពេលដែលក្មេងស្រីរូបនោះកំពុងបណ្ដើរសត្វខ្លាដំបងមួយក្បាល នៅតាមផ្លូវលំមួយខ្សែ ដែលស្ថិតក្នុងទីក្រុង Guasave រដ្ឋ Sinaloa កាលពីថ្ងៃទី១៣ ខែតុលាដើមសប្ដាហ៍នេះ។

នៅក្នុងឃ្លីបវីដេអូបានបង្ហាញឲ្យឃើញថា ក្មេងស្រីរូបនោះ បានចាប់ផ្ដើមដើរបកក្រោយវិញ មុនពេលបុរសម្នាក់បានបើកឡានហើយឈប់មុខផ្ទះរបស់នាង រួចសួរនាំពីឪពុករបស់នាងនៅឯណា។ ហើយបុរសរូបនោះពិតជាភ្ញាក់ផ្អើលយ៉ាងខ្លាំងនៅពេលបានឃើញបែបនេះ និងមិនត្រឹមតែប៉ុណ្ណោះ រូបគាត់ក៏ចង់ទៅដល់ផ្ទះរបស់ក្មេងស្រីផ្ទាល់តែម្ដង បន្ទាប់ពីនាងអះអាងថានៅមានខ្លាតូចមួយក្បាលផ្សេងទៀត។

គួរឲ្យដឹងដែរថា សត្វខ្លាដំបង គឺជាប្រភេទសត្វកម្រក្នុងប្រទេសម៉ិចស៊ិក ដែលត្រូវបានចុះក្នុងបញ្ជី និងហាមឃាត់ចំពោះការចិញ្ចឹមខុសច្បាប់។ ជាក់ស្ដែង កាលពីខែឧសភាកន្លងទៅ អាជ្ញាធរនៅភាគខាងជើងរដ្ឋ Jaliso ក៏រឹបអូសបានសត្វខ្លាដំបងចំនួនក្បាលផងដែរ៕

សូមទស្សនារូបភាព និងវីដេអូខាងក្រោម៖

ក្មេងស្រីដែលបណ្ដើរខ្លាដើរលេង
ក្មេងស្រីដែលបណ្ដើរខ្លាដើរលេង
ក្មេងស្រីដែលបណ្ដើរខ្លាដើរលេង
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ