បរទេស៖ ប្រទេសចំនួនប្រាំបីបានចុះហត្ថលេខាក្នុងការចូលជាសមាជិក កម្មវិធី Artemis Accords របស់អង្គការណាសា នៅក្នុងអំឡុងពេលសមាជអវកាសអន្តរជាតិ លើកទី៧១ នៅក្នុងសប្ដាហ៍នេះ។ ប្រទេសទាំងនេះរួមមាន អូស្ត្រាលី កាណាដា អ៊ីតាលី ជប៉ុន លុចសំបួ អារ៉ាប់រួម ចក្រភពអង់គ្លេស និងសហរដ្ឋអាមេរិក។

អង្គការណាសាបានចេញផ្សាយកិច្ចព្រមព្រៀងកម្មវិធី Artemis Accords ដើម្បីបង្កើតក្របខ័ណ្ឌគោលការណ៍ សម្រាប់ការធ្វើផែនការប្រកបដោយសុវត្ថិភាពនិងទំនួលខុសត្រូវ សម្រាប់ការធ្វើដំណើររបស់មនុស្សជាតិ ទៅកាន់ឋានព្រះចន្ទសាជាថ្មី។ វាមានរយៈពេលជាងមួយឆ្នាំ ចាប់តាំងពីអង្គការណាសានិងអភិបាល Bridenstine បានបញ្ចេញ Artemis ដែលជាកម្មវិធីបន្ទាប់ក្នុងការបញ្ជូនស្ត្រីដំបូងគេនិងបុរសផងដែរ ទៅកាន់ឋានព្រះចន្ទ នៅឆ្នាំ២០២៤។

គេនឹងបញ្ជូនមនុស្ស ឡើងទៅឋានព្រះចន្ទម្ដងទៀត នៅឆ្នាំ២០២៤

កម្មវិធីនេះពឹងផ្អែកលើភាពជាដៃគូ ទាំងអន្តរជាតិនិងពាណិជ្ជកម្ម ដើម្បីបង្កើតនិរន្តរភាពនិងភាពយូរអង្វែង។ វាទំនងថា មានប្រទេសជាច្រើនទៀតនឹងចុះហត្ថលេខានិងចូលរួមកិច្ចព្រមព្រៀងជាមួយកម្មវិធី Artemis Accords នៅពេលខាងមុខ។

ក្នុងអំឡុងពេលសមាជ នៅសប្ដាហ៍នេះ លោក Dmitry Rogozin ប្រធានទីភ្នាក់ងារអវកាសរុស្ស៊ី Roscosmos បានបង្ហាញថា បច្ចុប្បន្ននេះរុស្សីកំពុងបដិសេធមិនចុះហត្ថលេខាលើកិច្ចព្រមព្រៀង ពីព្រោះវាមានលក្ខណៈឲ្យតម្លៃទៅលើសហរដ្ឋអាមេរិកពេក៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ