មេ​ដឹក​នាំ​ហ្វី​លី​ពីន មាន​​មហិច្ចតា​​​ចង់​បាន​វ៉ាក់​សាំង​​ការពារ​កូវីដ​​១៩​ សម្រាប់​​ពលរដ្ឋទាំង ១១៣ លាននាក់នៅទូ​ទាំង​​ប្រ​ទេស​​​

កាលពីថ្ងៃ ១៤តុលាកន្លងទៅ ប្រធានាធិបតីនៃប្រទេសហ្វីលីពីន លោកឌុយតាតេបាននិយាយទៅកាន់​ប្រជាជន​របស់លោកថា ថវិកាទាំងអស់ដែលរដ្ឋទទួលបាននឹងយកទៅដំណើរការទៅលើវ៉ាក់សាំងការពារកូវីដ១៩។​

លោកថា៖ «ខ្ញុំសង្ឃឹមថា វ៉ាក់សាំងនឹងឆាប់បានមកដល់ប្រទេសរបស់ខ្ញុំ សម្រាប់ប្រជាជនរបស់ខ្ញុំ»។

លោកឌុយតាតេបានបន្ដទៀតថា លោកត្រូវការថវិកាលើសពីតម្រូវការសម្រាប់ផ្តល់វ៉ាក់សាំងឲ្យដល់​គ្រប់ប្រជាជន​ទាំងអស់​ទូទាំង​ប្រទេស​ហ្វីលីពីន ដែលមានចំនួន ១១៣ លាននាក់។​

អ្នកនាំពាក្យរបស់លោកបានសង្កត់ធ្ងន់ថា លោកឌុយតាតេចង់បានវ៉ាក់សាំងយ៉ាងចាំបាច់​មិនថាទទួលបានពីប្រទេស​ប្រទេស​រុស្ស៊ី ឬប្រទេសចិនឡើយ គឺលោកឌុយតាតេទទួលទិញសម្រាប់ប្រជាជនរបស់ខ្លួន។​ តាមរបាយការណ៍ក្រសួងសុខាភិបាលនៃប្រទេសហ្វីលីពីន ប្រទេសនេះមានអ្នកឆ្លងជំងឺកូវីដ១៩ ចំនួន ១៩១០​នាក់គិតត្រឹមថ្ងៃ ១៤តុលា។ ហើយចំនួនអ្នកឆ្លងសរុបមាន ៣៤៦៥៣៦​ នាក់ រីឯអ្នកស្លាប់មានចំនួនខ្ពស់រហូតដល់ ៦៤៤៩ នាក់។ យ៉ាងណាមិញ អ្នកឆ្លងមានចំនួន ៤៦២២៧នាក់ និងចំនួនអ្នកជាសះស្បើយមាន ២៩៣៨៦០ នាក់៕