បរទេស៖ ក្រុមជម្រើសជាតិដាណឺម៉ាក បានលើកទ័ពទៅយកឈ្នះ ជម្រើសជាតិអង់គ្លេស ០ទល់នឹង១ ដល់កីឡដ្ឋាន Wembley ក្នុងការប្រកួតវគ្គចែកពូលជុំទី៤ នៃពានរង្វាន់ UEFA Nations League យប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមួយគ្រាប់របស់ដាណឺម៉ាករកបានដោយបាល់ប៉េណាល់ទីរបស់កីឡាករ Christian Eriksen ក្រោយខ្សែការពារ Kyle Walker ទាត់ជើង Thomas Delaney ឲ្យដួលក្នុងតំបន់គ្រោះថ្នាក់។ អាក្រក់ជាងនេះទៅទៀត កីឡាកររបស់អង់គ្លេសពីររូបត្រូវទទួលបានកាតក្រហមនៅក្នុងការប្រកួតនោះ ពោលគឺខ្សែការពារ Harry Maguire នៅនាទីទី៣១ និងកីឡាករ Reece James នៅនាទីទី៩០+៤។
យោងតាមលទ្ធផលនេះអង់គ្លេសធ្លាក់មកឈរនៅលេខបីវិញមាន៧ពិន្ទុស្មើនឹងដាណឺម៉ាក និងនៅពីក្រោមជម្រើសជាតិបែលស្សុិកចំនួន២ពិន្ទុ៕
ប្រភព៖ bbc