គណៈកម្មាធិការជាតិគ្រប់គ្រងគ្រោះមហន្តរាយនៅរសៀលថ្ងៃ ១៤តុលានេះ បានចេញទិន្នន័យដែលបង្ហាញពីផលប៉ះពាល់ដោយជំនន់ទឹកភ្លៀងគិតពីថ្ងៃទី ០១ កញ្ញា ដល់ ១៤ តុលា ឆ្នាំ ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខេត្តដែលប៉ះពាល់ដោយជំនន់ទឹកភ្លៀងមាន ១៩ រាជធានី-ខេត្ត ស្មើ ៦៨ ក្រុង-ស្រុកខណ្ឌ ២៣៤ឃុំ-សង្កាត់ រួមមានពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ឆ្នាំង កំពង់ធំ។
ក្នុងលិខិត អាជ្ញាធរបានបញ្ជាក់ថាទឹកជំនន់បានធ្វើឲ្យប៉ះពាល់ប្រជាជនប្រមាណ ៣៩,៧០២ គ្រួសារ ស្មើប្រមាណ ១៥៨,៨០៨នាក់។ ចំណែកប្រជាជនជម្លៀសប្រមាណ ២,៨៥៣ ស្មើប្រមាណ ១១,៤១២នាក់។ ប្រជាជនស្លាប់ ១២នាក់ (ក្មេង ៥នាក់)។ ផ្ទះសម្បែងដែលប៉ះពាល់មានប្រមាណ ៣៩,៤៨៥ខ្នង ហើយផ្ទះខូចខាត ៣០ខ្នង។ ក្រៅពីនេះ សាលារៀនលិចទឹក ៤០២កន្លែង។ ស្រូវលិចទឹកប្រមាណ ១១៦,៧៦៤ហិកតា ក្នុងនោះខូចខាតប្រមាណ ៤,៩៤៦ ហិកតា។
គួរបញ្ជាក់ថា បច្ចុប្បន្នខេត្ត-ក្រុងមួយចំនួន ១៩ នៅកម្ពុជាកំពុងជួបបញ្ហាទឹកជំនន់ទឹកភ្លៀង ខណៈគិតមកទល់ពេលនេះមានពលរដ្ឋ ១២នាក់បានបាត់បង់ជីវិត។ បើតាមអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ លោក ឃុន សុខា បានថ្លែងប្រាប់សារព័ត៌មានក្នុងស្រុកថា មូលហេតុគឺដោយសារជំនន់ទឹកភ្លៀងធ្លាក់មកយ៉ាងគំហុក រួមផ្សំនឹងទឹកហូរបូករួមកម្ពស់ទឹកហក់ឡើងលឿន ក៏បណ្ដាលឲ្យពលរដ្ឋលង់ទឹកស្លាប់បែបនេះ៕
Bong I.T