លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បានអំពាវនាវដល់ប្រជាពលរដ្ឋនៅតំបន់ទឹកជំនន់ត្រូវបង្កើនការប្រុងប្រយ័ត្នចំពោះគ្រាប់មីន និងសំណល់ជាតិផ្ទុះពីសង្គ្រាម ដែលអាចរសាត់តាមទឹកហូរខ្លាំង និងអាចមើលឃើញនៅពេលទឹកស្រក។ លោកបន្ថែមថា ករណីប្រទះឃើញ វត្ថុអី្វមួយសង្ស័យថា ជាគ្រាប់មីន ឬជាសំណល់គ្រាប់មិនទាន់ផ្ទុះ ត្រូវរាយការណ៍មកអាជ្ញាធរមូលដ្ឋាន ឬកំលាំងប៉ូលីសមូលដ្ឋាន ឬកំលាំងស៊ីម៉ាក់ផ្ទាល់ដើម្បីដោះស្រាយបញ្ហា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ ក្រៅពីការអំពាវនាវនានាឲ្យប្រុងប្រយ័ត្ន បច្ចុប្បន្នខេត្ត-ក្រុងមួយចំនួននៅកម្ពជាកំពុងជួបបញ្ហាទឹកជំនន់ទឹកភ្លៀងដូចជាខេត្តពោធិសាត់ ស្ទឹងស្រែង កំពង់ស្ពឺ និងបន្ទាយមានជ័យជាដើម ខណៈគិតមកទល់ពេលនេះទឹកជំនន់ទឹកភ្លៀងបានសម្លាប់មនុស្សយ៉ាងតិច ១១ នាក់នៅកម្ពុជា។ បើតាមអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ លោក ឃុន សុខា បានថ្លែងប្រាប់សារព័ត៌មានក្នុងស្រុកថា មូលហេតុនៃការស្លាប់ ដោយសារជំនន់ទឹកភ្លៀងធ្លាក់មកយ៉ាងគំហុក រួមផ្សំនឹងទឹកហូរបូករួមកម្ពស់ទឹកហក់ឡើងលឿន ក៏បណ្ដាលឲ្យពលរដ្ឋលង់ទឹកស្លាប់បែបនេះ៕
Bong I.T