វៀតណាម៖ ប៉ុន្មានថ្ងៃកន្លងមកនេះ បន្ទាប់ពីមានភ្ញៀវធ្លាក់ជន់លិច ពលរដ្ឋវៀតណាម បានផ្ដល់ជូននូវសេវាកម្មថ្មីមួយ ដោយការជិះទូកទស្សនាតាមផ្លូវលិចទឹកនៅទីក្រុងបុរាណ Hoi An ស្ថិតក្នុងខេត្ត Quang Nam ដែលបានទាក់ទាញភ្ញៀវទេសចរក្នុងស្រុក និងបរទេសយ៉ាងច្រើនកុះករ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់អ្នកស្រី Huong ដែលផ្ដល់សេវាដឹកភ្ញៀវទេសចរតាមទូក បានឲ្យដឹងថា រូបគាត់ផ្ទាល់បានគិតប្រាក់ពីអ្នកដំណើរក្នុងម្នាក់ចំនួន១០០,០០០ដុង (៤.៣០ដុល្លារអាមេរិក) និងទទួលអ្នកដំណើរចំនួន៧នាក់ប៉ុណ្ណោះសម្រាប់ទូកមួយ។ ហើយអ្នកដំណើរទាំងអស់ ក៏ត្រូវបានពាក់អាវពោង ដើម្បីធានាសុវត្ថិភាពផងដែរ។
បើទោះជាយ៉ាងណាក្ដី អ្នកដំណើរពិតជាមានអារម្មណ៍រំភើប និងរីករាយ នៅពេលដែលបានឃើញទីក្រុងបុរាណ។ ហើយបើងាកទៅកាន់អ្នកភ្ញៀវទេសចរក្នុងស្រុកវិញ ក៏បានធ្វើដំណើរដោយម៉ូតូពីទីក្រុង Da Nang ដើម្បីមកជិះទូកទស្សនាកម្សាន្តផងដែរ។
យ៉ាងណាមិញ ចំពោះការជិះទូកកម្សាន្តនេះ ម្ចាស់ទូកបានដឹកអ្នកដំណើរទៅកាន់គោលដៅនានាតាមដែលពួកគេស្នើសុំ តែប្រសិនបើឆ្ងាយពីទីក្រុងបុរាណ ឬតំបន់ណាមិនមានសុវត្ថិភាព ខាងម្ចាស់ទូកនឹងមិនយល់ព្រមឡើយ៕
សូមទស្សនារូបភាពខាងក្រោម៖