បរទេស៖ នៅក្នុងការប្រកួតជម្រុះ World Cup ក្នុងតំបន់អាមេរិកខាងត្បូងយប់មិញនេះ ក្រុមជម្រើសជាតិអាហ្សង់ទីន បានលើកទ័ពទៅយកឈ្នះដល់ក្នុងដីរបស់បូលីវី ដោយលទ្ធផល១ទល់នឹង២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមជម្រើស បូលីវី មានឱកាសរកបានមួយគ្រាប់នាំមុខមុនដោយការតែតរបស់កីឡាករខ្សែប្រយុទ្ធ Marcelo Martins Moreno នៅនាទីទី២៤។ ប៉ុន្តែចូលដល់ចុងតង់ទី១ អាហ្សង់ទីនក៏មានឱកាសតាមបានស្មើមកវិញ ក្រោយខ្សែការពារ បូលីវី ភ្លាត់ស្នៀតទាត់បាល់ប៉ះជើងខ្សែប្រយុទ្ធ Lautaro Martínez ឡងចូលទី។
ដោយឡែកគ្រាប់ជ័យជម្នះរបស់អាហ្សង់ទីនកើតឡើងនៅនាទីទី៧៥ ដោយការស៊ុតរបស់កីឡាករ Joaquin Correa ក្រោមការបោះបាល់ឲ្យយ៉ាងស្អាតពី Martínez ។ គួរឲ្យដឹងដែរថាយប់មិញនេះជាជ័យជម្នះលើកទី១របស់អាហ្សង់ទីនទៅលើបូលីវី ក្នុងរយៈពេល១៥ឆ្នាំចុងក្រោយនេះ។
យោងតាមលទ្ធផលនេះអាហ្សង់ទីនមាន៦ពិន្ទុពេញ ក្នុងការប្រកួតពីរលើកដំបូង ចំណែកឯពីរប្រកួតដំបូងរបស់បូលីវីវិញគឺចាញ់ទាំងពីរប្រកួត៕
ប្រភព៖ goal