យល់ដឹង៖ តើអ្នកដឹងទេ? បញ្ហាគ្រោះទឹកជំនន់ មិនមែនតែជាការបារម្ភ របស់អ្នកតែម្នាក់នោះទេ តែជាការព្រួយបារម្ភរបស់ មនុស្សគ្រប់គ្នា ព្រមទាំងប្រទេស មហាអំណាចធំៗផងដែរ។ ការកើនឡើងនៃ ទឹកជំនន់អាចបង្កើត ទៅជាជំងឺឆ្លង រួមទាំងបង្កឲ្យមានជាគ្រោះមហន្តរាយ ដល់អាយុជីវិតមនុស្ស និងសត្វយ៉ាងធ្ងន់ធ្ងរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុំមានការធ្វេសប្រហែស បើទោះបីជាអ្នកយល់ថា តំបន់ដែលអ្នករស់នៅ មានកម្រិតទឹកទាប មិនអាចជន់លិចដល់ក៏ដោយ តែពេលខ្លះត្រូវចាំថា ប្រសិនបើមានភ្លៀងខ្លាំង វាអាចជន់លិចបាន ហើយកាន់តែគ្រោះថ្នាក់ ប្រសិនបើទឹកបុកខ្លាំង នៅពេលយប់ដែល អ្នកសម្រានលក់អស់។ កុំអាងថាតំបន់ អ្នកមិនធ្លាប់ជួបទឹកជំនន់ពីមុន ហើយប្រាកដថាបច្ចុប្បន្ន និងអនាគតមិនអាច កើតឡើងឲ្យសោះនោះ។
ហានិភ័យទឹកជំនន់ មិនមែនត្រឹមតែផ្នែកលើ ប្រវត្តិសាស្ត្រប៉ុណ្ណោះទេ តែវាផ្នែកលើតួលេខ កត្តាមួយចំនួនរួមមាន កម្រិតនៃការធ្លាក់ភ្លៀង រួមទាំងការផ្លាស់ប្តូរ ដោយសារតែការសាងសង់ និងការអភិវឌ្ឍន៍ជាដើម។ អ្នកអាចនឹងប្រឈមមុខនឹង បញ្ហាធ្ងន់ធ្ងរប្រសិនបើ គ្មានការប្រុងប្រយ័ត្នឲ្យបានខ្ពស់ នៅអំឡុងពេល ដែលមានភ្លៀងធ្លាក់ខ្លាំង ជាពិសេសផ្ទះអ្នកដែល នៅជិតនឹងតំបន់បឹងបួរ ស្ទឹង ជាដើម។ តើអ្នកនឹងធ្វើដូចម្តេច ដើម្បីយករួចខ្លួនបាន នៅពេលដែលទឹកសម្រុកបុកចូលក្នុងផ្ទះ?
ប្រសិនបើលោកអ្នកស្ថិត ក្នុងករណីនេះ សូមកុំស្លន់ស្លោខ្លាំងពេក ព្យាយាមឡើងទៅរកទីកន្លែងខ្ពស់នៃផ្ទះ ហើយទាក់ទងទៅកាន់ ក្រុមជួយសង្គ្រោះជាបន្ទាន់។ ប្រសិនបើគ្មានកន្លែងខ្ពស់ អាចគេចពីទឹកជំនន់បានទេ ហើយអ្នកមិនចេះអណ្តែត ឬហែលទឹកទេនោះ ត្រូវព្យាយាមចាប់តោងជញ្ជាំង ឬបង្អួតផ្ទះឲ្យជាប់ ដើម្បីកុំឲ្យកម្លាំងទឹក អាចគួចទាញអ្នកយកទៅតាមបាន។
វិធីម្យ៉ាងទៀត ប្រសិនបើអ្នកមាន សមាជិកគ្រួសារច្រើន ត្រូវតាំងស្មារីឈរជាជួរ ពីមុខទៅក្រោយឲ្យជាប់ៗគ្នា ដើម្បីអាចទប់នឹង ការហូរខ្លាំងនៃទឹក ព្រោះវិធីនេះនឹងមិនងាយឲ្យ អ្នកអស់ជំហរដួល ដោយសារតែកម្លាំងទឹក បានដោយងាយនោះទេ តែយើងក៏មិនអាចឲ្យ យើងទ្រាំទ្របានយូរដែរ តែល្មមនឹងអាចរងចាំ ក្រុមជួយសង្គ្រោះ មកដល់បាន។
យ៉ាងណាមិញទាំងនេះ មិនមែនជាវិធីសាស្ត្រដ៏ល្អ ក្នុងការប្រថុយប្រថាន ជាមួយទឹកជំនន់នោះទេ ព្រោះជាក់ស្តែង កម្លាំងបុកនៃទឹក គឺវាខ្លាំងហើយយូរដែល ជាហេតុធ្វើឲ្យយើងពិបាក ក្នុងការការពារខ្លួនបាន ដូចនេះ អ្នកត្រូវមានការយល់ដឹង និងការការពារខ្លួន ជាមុននៅក្នុងរដូចវស្សាដូចជា៖
* ព្យាយាមស្តាប់វិទ្យុឬ ទូរទស្សន៍ និងឧត្តុនិយម សម្រាប់ព័ត៌មានលំអិតផ្សេងៗ ក្នុងអំឡុងដែល មានភ្លៀងធ្លាក់ខ្លាំង។
* តាមដានមើលពី ទីតាំងភូមិសាស្ត្រដែល អ្នកស្នាក់នៅអាចប្រឈម នឹងទឹកជំនន់ដែរឬទេ។
* ប្រសិនបើអ្នកនៅក្នុងតំបន់ ដែលអាចទទួលរងឥទ្ធិពល ពីភ្លៀងឬ ព្យុះធ្ងន់ធ្ងរ អ្នកគួរតែឆាប់ជម្លៀសខ្លួន និងសមាជិកគ្រួសារចេញ ដើម្បីស្វែងរកទីទួលមានសុវត្ថិភាព ឲ្យបានឆាប់រហ័ស។
ការពារប្រសើរជាងព្យាបាល កុំយកជីវិតទៅប្រថុយ នឹងគ្រោះធម្មជាតិ ទោះបីជាអ្នកចេះហែលទឹក យ៉ាងណាក៏ដោយ តែត្រូវចាំថា ដំរីជើងបួនគង់មានភ្លាត់ អ្នកប្រាជ្ញចេះស្ទាត់ ក៏គង់តែមានភ្លេចដូចគ្នា។ អ្នកមិនអាចហាមឃាត់ មិនឲ្យមានគ្រោះធម្មជាតិ បាននោះទេ តែអ្នកអាចមានវិធី ការពារខ្លួនបាន៕
ប្រភព៖ ci.patterson , cdc