ឥណ្ឌា៖ កាលពីថ្ងៃពុធកន្លងទៅនេះ ស្ដ្រីជនជាតិឥណ្ឌាម្នាក់ ទទួលបានការស្វាគមន៍យ៉ាងកក់ក្ដៅ និងការអបអរសាទរតូចមួយ បន្ទាប់ពីនាងបានផ្ដល់កំណើតដល់កូនប្រុសដោយជោគជ័យ ខណៈពេលកំពុងធ្វើដំណើរតាមជើងហោះហើរលេខ 6E 122 របស់ក្រុមហ៊ុនអាកាសចរណ៍ IndiGo ពីទីក្រុង Delhi ទៅទីក្រុង Bengalura ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្ដ្រីជាម្ដាយខាងលើ មិនត្រូវបានគេបញ្ចេញឈ្មោះឲ្យដឹងឡើយ ហើយនាងទើបពពោះបានរយៈពេល ៣២សប្ដាហ៍ប៉ុណ្ណោះ។ តែទោះជាយ៉ាងណា នៅថ្ងៃសម្រាលឥតព្រៀងទុកនោះដែរ នាងត្រូវបានអ្នករួមដំណើរម្នាក់ដែលជាគ្រូពេទ្យជំនាញខាងរោគស្ដ្រី រួមនឹងអ្នកបម្រើការលើយន្ដហោះធ្វើការជួយសម្រាលបានដោយសុវត្ថិភាព និងសុខភាពល្អថែមទៀតផង។
នៅទីបំផុត យន្ដហោះបានចុះចតនៅឯអាកាសយាន្ដដ្ឋានអន្ដរជាតិ Kempegowda នៅវេលាម៉ោង ៧:៤០នាទីយប់ ហើយជាមួយគ្នានោះ ក៏មានមនុស្សមួយក្រុមតូចចាំទទួលស្វាគមន៍ ចំពោះការមកដល់របស់ពួកគេដែរ។ លើសពីនេះ ក៏មានការចែករំលែកនៅលើបណ្ដាញសង្គម និងទទួលបានការគាំទ្រយ៉ាងច្រើនថែមទៀតផង៕
សូមទស្សនារូបភាព និងវីដេអូខាងក្រោម៖