ម៉ិចស៊ិក៖ ក្រុមបាល់ទាត់ជម្រើសជាតិម៉ិចស៊ិកនឹងត្រូវជួបប្រកួតមិត្តភាពជាមួយក្រុមកូរ៉េខាងត្បូងនៅខែក្រោយ ដើម្បីត្រៀមប្រកួតដណ្តើមពានរង្វាន់ Gold Cup ឆ្នាំ ២០២១ និងការប្រគួតជុំចុងក្រោយនៃវគ្គជម្រុះ CONCACAF World Cup ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសហព័ន្ធបាល់ទាត់ម៉ិកស៊ិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថាការប្រកួតនេះនឹងត្រូវប្រកួតនៅប្រទេសអូទ្រីសនៅថ្ងៃទី ១៤ ខែវិចិ្ឆកា ប៉ុន្តែទីតាំងកីឡារដ្ឋានដែលត្រូវប្រកួតដែលមិនទាន់ត្រូវបានបញ្ជាក់នៅឡើយ។
គួររំលឹកផងដែរថា ក្រុមម៉ិកស៊ិកធ្លាប់បានឈ្នះ ៧ ប្រកួត និងស្មើ ២ ប្រកួតក្នុងចំណោមការប្រកួតទាំង ១៣ លើកមុនៗរបស់ពួកគេជាមួយក្រុមកូរ៉េខាងត្បូង។
ក្រុមរបស់អ្នកចាត់ការក្រុមបាល់ទាត់ជម្រើសជាតិម៉ិកស៊ិកលោក Gerardo Martino ស្ថិតក្នុងចំណោមក្រុមទាំង ៥ ដែលបានចូលរួមវគ្គជម្រុះចុងក្រោយនៃការប្រកួតជម្រុះ World Cup ឆ្នាំ ២០២២ នៅតំបន់អាមេរិកខាងជើង អាមេរិកកណ្តាល និងតំបន់ការីបៀន (CONCACAF) ។ ហើយក្រុមផ្សេងទៀតរួមមានក្រុមសហរដ្ឋអាមេរិក កូស្តារីកា ចាម៉ៃកា និងក្រុមហុងឌូរ៉ាសផងដែរ។
ការប្រកួតដណ្តើមពានរង្វាន់ Gold Cup ឆ្នាំ ២០២១ ដែលជាការប្រកួតអន្តរជាតិលំដាប់កំពូលរបស់តំបន់ CONCACAF នឹងត្រូវចាប់ផ្តើមពីថ្ងៃទី ១០ ខែកក្កដា ដល់ថ្ងៃទី ១ ខែសីហា។ ក្រុមម៉ិកស៊ិកបានផ្តួលក្រុមហូឡង់ក្នុងលទ្ធផល ១-០ ក្នុងការប្រកួតមិត្តភាពមួយនៅទីក្រុង Amsterdam កាលពីសប្តាហ៍មុន និងត្រូវជួបជាមួយក្រុម អាល់ហ្សេរីនៅទីក្រុង Hague នៅថ្ងៃអង្គារនេះ៕
ប្រភព៖ ទីភ្នាក់ងារសារព័ត៌មានចិនស៊ីនហួរ