សារព័ត៌មាន Daily Star បានរាយការណ៍ឱ្យដឹងថា ក្លិបធំ២ ដែលមានមូលដ្ឋានក្នុងទីក្រុង Manchester គឺក្លិប Manchester United និងក្លិប Manchester City កំពុងសម្លឹងឃើញអតីតអ្នកចាត់ការទូទៅរបស់ក្លិបមាន់ខ្នាយមាស Tottenham Hotspur គឺលោក Mauricio Pochettino ដែលនៅទំនេរមិនទាន់មានក្លិបថ្មីដឹកនាំនៅឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកចាត់ការទូទៅរបស់ក្លិបមេឃខៀវ Manchester City បច្ចុប្បន្ន គឺលោក Pep Guardiola នឹងផុតកុងត្រាជាមួយក្លឹបពេលរដូវកាលនេះបញ្ចប់ ខណៈដែលកុងត្រាថ្មីក៏មិនទាន់មានការចរចានៅឡើយ ចំណែកឯអ្នកចាត់ការទូទៅរបស់ក្លិបបិសាចក្រហម Manchester United គឺលោក Ole Gunnar Solskjaer ហាក់ធ្វើឱ្យថ្នាក់ដឹកនាំក្លិបមានមន្ទិលសង្ស័យនឹងសមត្ថភាពដឹកនាំរបស់លោក។
សូមជម្រាបផងដែរថា លោក Mauricio Pochettino មានវ័យ ៤៨ឆ្នាំ ត្រូវបានក្លិប Tottenham Hotspur តែងតាំងជាអ្នកចាត់ការទូទៅកាលពីថ្ងៃទី២៧ ខែឧសភា ឆ្នាំ២០១៤ និងបញ្ចប់តួនាទីកាលពីថ្ងៃទី១ Tottenham Hotspur តែងតាំងជាអ្នកចាត់ការទូទៅកាលពីថ្ងៃទី២៧ ខែឧសភា ឆ្នាំ២០១៤ និងបញ្ចប់តួនាទីកាលពីថ្ងៃទី១៩ ខែវិច្ឆិកា ឆ្នាំ២០១៩។ លោក Pochettino បានដឹកនាំក្លិបនៅទីក្រុងឡុងដ៍មួយនេះ ក្លាយជាក្លិបខ្លាំងមួយក្នុងចំណោម ៦ នៅ Premier League ជាមួយកំណត់ត្រាលេង ២៩៣ប្រកួត ក្នុងនោះឈ្នះ ១៦០ប្រកួត (៥៤.៦%) ស្មើ ៦០ប្រកួត និងចាញ់ ៧៣ប្រកួត៕
ប្រភព៖ Goal