ថៃ៖ ជនជាតិមីយ៉ាន់ម៉ា ៤ នាក់ត្រូវបានចាប់ខ្លួនដោយក្រុមល្បាតរបស់រដ្ឋាភិបាលថៃបន្ទាប់ពីពួកគេបានលួចឆ្លងដែនកាត់តាមទន្លេ Moei ពីតំបន់ Myawaddy ក្នុងរយៈពេលតែប៉ុន្មានម៉ោងកាលពីថ្ងៃចន្ទ។ ពួកគេទាំងបួននាក់ត្រូវបានប្រទះឃើញដោយកងកម្លាំងប៉ូលីស និងបុគ្គលិកស៊ីវិលធ្វើការល្បាតរួមគ្នា ខណៈពេលដែលពួកគេលាក់ខ្លួននៅក្នុងព្រៃក្បែរភូមិ Don Chai ស្ថិតក្នុងតំបន់ Mae Tao ស្រុក Mae Sot ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពួកគេមិនមានលិខិតឆ្លងដែនឬឯកសារធ្វើដំណើរផ្សេងទៀតទេ។ ពួកគេបានសារភាពដោយប្រាប់អត្តសញ្ញាណរបស់ពួកគេគឺទីមួយឈ្មោះ Aung Ku អាយុ ២៩ ឆ្នាំ, ទីពីរឈ្មោះ Thana អាយុ ២៤ ឆ្នាំ, ទីបីឈ្មោះ Ah Jo អាយុ ៥៥ ឆ្នាំ និងទីបួនឈ្មោះ Ah Thu អាយុ ៥០ ឆ្នាំ។
Ah Jo និង Ah Thu បានធ្វើតេស្តវិជ្ជមានចំពោះការប្រើប្រាស់គ្រឿងញៀន។ កងកម្លាំងប៉ូលីសក៏បានរកឃើញប្រាក់ ១២,៣៤៩ បាត និងទូរស័ព្ទចល័តមួយគ្រឿងដែលជាទ្រព្យសម្បតិ្តរបស់ឈ្មោះ Ah Thu ផងដែរ។ ពួកគេត្រូវបានគេនាំទៅប៉ុស្តិ៍ប៉ូលីស Mae Sot ដែលជាកន្លែងពួកគេត្រូវបានចោទប្រកាន់ពីបទឆ្លងដែនដោយខុសច្បាប់។ ចំណែក Ah Jo និង Ah Thu ត្រូវបានចោទប្រកាន់បន្ថែមពីបទប្រើប្រាស់គ្រឿងញៀន។
ការយាមល្បាតតាមបណ្តោយព្រំដែនត្រូវបានពង្រឹងបន្ថែមដើម្បីរារាំងការឆ្លងដែនខុសច្បាប់ពីប្រទេសមីយ៉ាន់ម៉ាដែលប្រទេសនេះកំពុងតែមានចំនួននៃការឆ្លងជំងឺ COVID-១៩ កំពុងតែកើនឡើង។
កាលពីថ្ងៃអាទិត្យក្រុមអ្នកភូមិក្នុងតំបន់មួយក្រុមបានប្រមូលផ្តុំគ្នានៅមុខច្រកព្រំដែននៅឯស្ពានមិត្តភាពថៃ - មីយ៉ាន់ម៉ាទី ២ នៅឯ Ban Wang Ta Khian នៅក្នុងតំបន់ Tha Sai Luat ។ ពួកគេបានអំពាវនាវឱ្យអាជ្ញាធរខេត្តទាំងអស់បិទច្រកព្រំដែនទាំងអស់ក្នុងខេត្តនេះដើម្បីទប់ស្កាត់ការរីករាលដាលនៃជំងឺ COVID-១៩ តាមរយៈការឆ្លងកាត់ព្រំដែនរហូតដល់ស្ថានភាពត្រូវបានដោះស្រាយបន្ទាប់ពីមានជនជាតិមីយ៉ាន់ម៉ា ៣ នាក់បានធ្វើតេស្តិ៍រកឃើញជំងឺនេះនៅព្រំដែនថៃ។
គួររំលឹកផងដែរថា អ្នកភូមិបានដាក់លិខិតរបស់ពួកគេទៅអភិបាលខេត្ត Pongrat Piromrat តាមរយៈមន្រ្តីស្រុកមុនពេលពួកគេបំបែកគ្នា៕
ប្រភព៖ Bangkok Post