កំណត់ត្រាស៊ុតបាល់បញ្ចូលទី គួរឱ្យកត់សំគាល់របស់ Kylian Mbappé នៅ Champions League គឺអស្ចារ្យជាង Cristiano Ronaldo ឬ Lionel Messi ពួកគេមានអាយុ ២១ ឆ្នាំដូចគ្នា ។ កាលពីខែកុម្ភៈឆ្នាំមុន ខ្សែប្រយុទ្ធក្រុម PSG រូបនេះបានតាមស្មើកំណត់ត្រារបស់កីឡាករ Ronaldo ប្រេស៊ីល ក្នុងការប្រកួតពានអឺរ៉ុប នៅពេលដែលគាត់បានស៊ុតបាល់បញ្ចូលទីទល់នឹងក្រុម Manchester United ហើយកេរ្តិ៍ឈ្មោះរបស់គាត់ នៅតែបន្តកើនឡើងពីមួយសប្តាហ៍ទៅមួយសប្តាហ៍ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពីពេលនោះមក មនុស្សជាច្រើនបានប្រៀបធៀបទម្រង់លេងរបស់កីឡាករវ័យក្មេងរូបនេះ ទៅនឹង Ronaldo និង Messi ហើយអាចជំនួសកន្លែងរបស់ស្ដេចបាល់ទាត់ទាំង ២ ផងដែរ។ ឆ្លើយតបទៅកាន់សារព័ត៌មាន France Football ដែលបានសួថា បើមានជម្រើសរវាង Messi និង Ronaldo តើនឹងរើសយកអ្នកមករួមក្រុម ? Mbappe បាននិយាយថា "ប្រសិនបើខ្ញុំមានជម្រើសរវាង Messi និង Ronaldo ដើម្បីលេងជាមួយខ្ញុំ ខ្ញុំនឹងអង្គុយលើកៅអី បម្រុង ហើយសម្លឹងមើលពួកគេទាំងពីរនាក់លេងជាមួយគ្នា ដើម្បីប្រាកដថាយើងនឹងឈ្នះការប្រកួតនោះ។ "
គួរឱ្យដឹងផងដែរថា ១៣ ឆ្នាំមុន Mbappe បានដាក់តាំងរូបរបស់ Ronaldo នៅក្នុងបន្ទប់របស់គាត់។ ឪពុករបស់ Mbappe បានប្រាប់ France Football កាលពីឆ្នាំ ២០១៦ ថា កូនប្រុសរបស់គាត់ធ្លាប់ចំណាយពេលរាប់ម៉ោងមើលវីដេអូរបស់ Ronaldo នៅលើអ៊ីនធឺណិត។ មិនតែប៉ុណ្ណោះកាលពីឆ្នាំមុន Mbaape បានប្រាប់សារព័ត៌មាន MARCA ថា Ronaldo ជាតួអង្គដ៏សំខាន់ និងមានឥទ្ធិពលយ៉ាងខ្លាំងចំពោះអាជីពរបស់គេផងដែរ៕
ប្រភព ៖ Sport Bible